Kryeministri Rama ka publikuar në fejsbukun e tij, një video e cila etiketon si ‘fake news’ rastin e dy pleqve në Kolonjë, që rronin në banesën e rrënuar tërmetit, denoncuar nga demokrati Edmond Spaho.
Teksa ofron një sërë dokumentash, që dëshmojnë se çiftit të pleqëve u është ofruar kontratë qiraje nga shteti dhe rrojnë në banesë me qira, Rama nuk harron të përmendë edhe faktin që Partia Demokratike vijon të përdorë si mish për top njerëz të zakonshëm, me shpresën e të kapurit sado pak vota.
Nuk dihet ende se përse dy të moshuarit i kanë hyrë kësaj valleje politike, ku e djathta i nxjerr si gjynahqarë dhe e majta mashtrues, por ajo që kuptohet dhe ndihet nga videot, është ndjesia se asnjë nga të dy kahet politike, përgjatë 30 viteve demokraci, nuk u ka dhënë të moshuarve dinjitetin e duhur, përsa ata vazhdojnë të bëhen ende pjesë e inskenimeve të tilla.
Videoja e Ramës:
Denoncimi i Edmond Spahos:
