Teksa ka folur për planin ekonomik që Partia Socialiste do të ndjekë gjatë një mandati të tretë të mundshëm, kryeministri Rama ka renditur të gjitha ndryshimet ekonomike të bëra prej kësaj force politike që prej 2013-s, kohë kur ajo erdhën në pushtet: “Sot kemi pagën minimale 300 mijë lekë, u shpreh Rama në fjalën e tij, 50% më shumë seç ishte kur morëm detyrën. Plani ynë është ta rrisim çdo vit dhe të arrjmë në 380 mijë, por duke synuar 400 mijë në mbyllje të mandatit të tretë.
Teksa u bëri thirrje qytetarëve që të tregoheshin të kujdeshëm nga ideja e taksës së sheshtë, e cila në thelb, sipas kryeministrit Rama penalizon atë që merr më pak dhe favorizon të ashtuquajturit oligarkë për hir se se 9 % rëndojnë më tepër në një 400 mijë lekshe, se sa në shuma milionëshe, Rama tha se në një mandat të ardhshëm, plani i tyre qeverisës, do të përfshinte shpënien e pagës minimale në 400 mijë lekë nga 1 janari 2022, si dhe uljen e taksës së pagës për ata që marrin rroga deri në 2.5 milionë lekë.
Duke nisur nga 1 janari 2022, tha Rama, do ta heqim taksën e pagës deri në 400 mijë lekë, për sektorin publik dhe financiar, dhe kjo do të thotë që nga viti i ardhshëm, 63% e të punësuarëve në Shqipëri, që sot marrin nga 300 mijë deri në 400 mijë, nuk do të kenë taksë mbi pagën. Të gjitha do t’i çojnë në shtëpi. Natyrisht, sigurimet jetësore dhe shëndetësore, do të duhet t’i paguajnë të gjithë, sepse ato nuk janë për shtetin, por për të siguruar pensionin dhe shëndetin e gjithësecilit.
E dimë që ka një kategori më të lartë të punësuarish, të cilët për shkak të punës, që është një punë e kualifikuar, marrin mbi 1.5 milionë lekë në muaj, dhe hyjnë në atë fashën e lartë të taksimit progresiv. me 23 % taksë mbi pagën. Ne do ta çojmë më lartë këtë fashë taksimi, dhe nga 1 janari 2022 do ulim tatimin mbi pagat në 2.5 milionë lekë në muaj.
Kemi rritur pagën mesatare të administratës nga 550 në 750 mijë lekë. Do ta rrisim në 850 mijë lekë në muaj. Kemi rritur pagën e mjekëve me 63 %, të infermierrëve, me 68%, mjekëve të familjes me 57%, mësuesëve me 32% punonjësve të policisë me 46%. Në mandatin e tretë, do rrisim me 40% më shumë pagat e mësuesëve, edhe të bluzave të bardha. Do rriten me 30% pagat e administratës publike, ndërkohë që pagat e qeveritarëve dhe parlamentarëve as janë rritur dhe as do rriten deri në 2025-n.
Taksa për 100 mijë biznese të vogla ku janë punësuar 150 mijë shqiptarë, do të mbetet zero, deri në 2029, duke u kursyer kështu 200 milionë dollarë. TVSH-ja për biznesin e vogël 0, deri në 100 mijë dollarë. Do hapim më shumë vende punë në sektorin privat me paga më të mëdha, duke përmirësuar klimën e biznesit, duke fuqizuar arsimin profesional, turizmin…. Kjo dekadë do do jetë dekada e përfundnimit të një kthese të madhe historike, që ka filluar e nuk duhet të ndërpritet, përfundoi fjalën e tij Rama.
