Banka e Shqipërisë ka paraqitur ditën e sotme dy karmonedha të serisë së re nisur më 2019-n, të cilat do të hyjnë në përdorim më 30 qershor.
Ajo që ka tërhequr më tepër vëmendjen, ka qenë kartëmonedha 10.000 lekëshe, e cila hidhet për herë të parë në treg.
Simbolet me të cilat është ngjizur kjo kartëmonedhë e re janë ato të flamurit dhe të himnit kombëtar, të shoqëruara me portretin e Asdrenit, poetit të Rilindjes Kombëtare, autor i Himnit Kombëtar.
Ndërkaq, kartëmonedha tjetër, ajo e 1000 lekshit, ruan të njëtat motive të prersjes ekzistuese, por vjen me një dizajn të përmirësuar.
Sipas Bankës së Shqipërisë, prerja e kartëmonedhës 10.000 lekëshe, që është edhe prerja më e madhe që ka sot leku shqiptar, shoqëron zhvillimin ekonomik të vendit, duket plotësuar kërkesat e tregut.
