Lakra është një protagoniste e vërtetë në tryezën e dimrit edhe falë varieteteve të shumta. Por ky nuk është ky avantazhi i vetëm kryesor i saj: falë përmbajtjes së ulët të kalorive, lakra është edhe një burim i shkëlqyer fibrash dhe vitaminash, si dhe përmban substanca antioksidante, aq të dobishme për të luftuar radikalet e lira.
Vitamina, acidi folik dhe shumë të tjera/ Bima e lakrës është kultivuar prej shekujsh dhe gjatë kohërave janë kultivuar shumë varietete të saj. Shija e saj karakteristike, vjen prej glukozideve. Konsiderohet si një minierë e vërtetë e vitaminës C dhe acidit folik, të cilat kanë aftësinë të stimulojnë sistemin imunitar. Lakra përmban gjithashtu edhe fibra, kalium e substanca që duket se kanë një efekt mbrojtës kundër tumoreve të zorrëve. Është ushqime që të ngop dhe për këtë arsye një ndihmë e shkëlqyer për dietat me kalori të ulët. Lakra kryen një veprim të vlefshëm detoksifikues për trupin dhe gëzon veti anti-inflamatore. Ajo është sidomos e përshtatshme në rastet e anemisë, cistiteve, ulçerës gastrike. Megjithatë, kujdes: konsumimi i tepërt mund të çojë në rritjen e gazit të zorrëve, duke shkaktuar fryrje.
Lakra verzë/ Kjo lakër njihet për vetitë e saj të shumta promovuese të shëndetit, duke paraqitur një profil ushqyes të pasur me vitamina, minerale dhe antioksidantë. E pasur veçanërisht me vitaminë K, vitaminë C, acid folik dhe fibra, ajo ndihmon në shëndetin e kockave, funksionit imunitar dhe funksionimit të zorrëve. Ka gjethe të rrudhura, një strukturë të butë dhe është e shkëlqyeshme për supë e sallata.
Lakra kokë/ Konsiderohet si një superushqim për vetitë e saj anti-inflamatore dhe mbrojtëse të sistemit imunitar. Për këtë arsye, dhe për veprimin shumë të fuqishëm antioksidues. Është e pasur me mikronutrientë të aftë për të luftuar radikalet e lira dhe molekulat e paqëndrueshme që formohen brenda qelizave. Ka gjethe të lëmuara dhe kompakte, në varietete jeshile ose të kuqe; shpesh përdoret e papërpunuar në sallata me shije të forta si açuge ose ullinj, në gjellë, ose turshi.
Lakra e zezë/ Lakra e zezë është një koncentrat i substancave të dobishme, një burim i çmuar i kripërave minerale, duke përfshirë kalciumin, kaliumin, magnezin, hekurin, zinkun, fosforin, bakrin, natriumin, squfururin, manganin, fluorin dhe selenin. Sa i përket vitaminave, sigurisht që nuk bën përjashtim: në fakt gjejmë tek ajo vitaminën A, B1, B2, B3, B6, B12, C dhe K. Për më tepër, ka arsye të tjera të mira për ta dashur: nuk përmban kolesterol, siguron afërsisht 49 kalori për 100 gram produkt, ka veti dekongjestive, pastruese, diuretike, antioksidante dhe laksative. Gjethet janë të gjata e të rrudhura, me ngjyrë të gjelbër të errët.
Lulelakra/ Lulelakra është një perime që përmban një sasi të mirë kaliumi, vitaminë C, karotenoidë (pro-vitaminë A) dhe antioksidantë, aq sa kur konsumohet e papërpunuar, përfaqëson një ushqim kundër plakjes e kundër tumorit. Lulelakra është një mik për t’u dobësuar, pasi ofron një racion të shkëlqyer fibrash dietike me veti ngopëse dhe terapeutike në rast kapsllëku. Për më tepër, konsumimi i saj është i dobishëm për kontrollin e përthithjes së kolesterolit dhe sheqernave: një dietë e pasur me lulelakër mund të ndihmojë gjithashtu në parandalimin e tumoreve, falë fibrave dhe përbërësve të tjerë, si sulforafani dhe disa sterole. Ka shumë variacione, me tufë lulesh të bardha, vjollcë ose jeshile. Hahet në sallata, e zierë, ose e pjekur.
Lakrat e Brukselit/ Konsumimi i tyre ndihmon në mbrojtjen e shëndetit, falë pranisë së antioksidantëve, përfshirë vitaminën C, e rëndësishme po ashtu edhe për sintezën e kolagjenit, vitaminës A dhe vitaminës E, aleate të shëndetit të lëkurës. Vitamina A dhe karotenoidet, ndihmojnë gjithashtu në mbrojtjen e shikimit. Ndër vitaminat e tjera, K-ja është e rëndësishme për koagulimin e gjakut dhe ato të grupit B për funksionimin e duhur të trupit. Ato hahen të ziera dhe me vaj dhe limon, ose kaurdisen në tigan.
Lakra rrepë/ Kjo lakër nuk duhet të mungojë në dietën tonë, sepse falë kalorive të ulëta dhe fuqisë ushqyese, kontribuon në shëndetin e mirë të organizmit. E dobishme në dietat me pak kalori, pasi është e pasur me ujë dhe fibra, ndihmon në shkarkimin e lëngjeve të tepërta dhe ju bën të ndiheni të ngopur. Prania masive e kripërave minerale si kaliumi, fosfori dhe magnezi i kombinuar me përmbajtjen e ulët të natriumit, e bëjnë miqësore me zemrën dhe të gjithë sistemin kardiovaskular. Për më tepër, kripërat minerale ndihmojnë edhe në forcimin e kockave, duke e bërë atë një ushqim të shkëlqyer për parandalimin e formave të osteoporozës. Është gjithashtu e mirë edhe për zorrët, sepse nxit tretjen, falë fibrave që ndihmojnë në luftimin e kapsllëkut. Nëse konsumohet e papërpunuar, ndihmon sistemin imunitar, sepse është jashtëzakonisht e pasur me vitaminë C: thjesht priteni në feta dhe jepini shije sipas midesë, për të bërë një sallatë krokante. Shpesh shtohet edhe në supa.
