Ashtu siç edhe qe paralajmëruar prej kreut historik të Partisë Demokratike, Sali Berishës, referendumi që do të vulosë sipas tij shkarkimin e kreut aktual të PD-së, Lulzim Basha, ka nisur ditën e sotme qysh në orën 8 të mëngjesit.
Komisioni i Organizimit dhe Kontrollit të Operacioneve Elektorale, angazhuar prej KRPD-së, ka njoftuar se janë gjithësej 106 qendra ku demokratët do të shprehin mendimin e tyre për këtë çështje, e se materialet e nevojshme janë shpërndarë në të gjitha qendrat.
Kujtojmë që po ditën e sotme, në orën 11.00, do të mbahet edhe Kuvendi i demokratëve thirrur prej Lulëzim Bashës, i cili, në këndvështrimin e këtij të fundit, është i vetmi kuvend zyrtar i Partisë Demokratike.
