Kreu i Partisë Demokratike Sali Berisha tha në një deklaratë për mediat jashtë ambienteve të SPAK se emri i kandidatit të opozitës që do të garojë për bashkinë Tiranë do të përcaktohet nga koalicioni dhe aleatët.
I pyetur nëse Tirana do të ketë Beppe Grillon e vet (referuar komedianit italian) në korrelacion me emrin e Florian Binajt i cili shpalli kandidaturën një ditë më parë, Berisha u shpreh se Tirana do ketë kandidatin më të dashur që ka pasur ndonjëherë.
“Kemi 12-13 kandidatë për Tiranën. Siç e dini, shpallëm një parim, që mundësisht të hapemi dhe të mirëpresim kandidatura të pavarura nga partitë, ky parim po të shkoni në zgjedhjet e 2003 e shikoni të përsëritet, po përhapet kjo edhe në Evropë dhe në botë. Shpreh mirënjohjen për çdo kandidat tw pavarur gjatë këtyre ditëve. Tirana do ketë kandidatin më të dashur që ka pasur ndonjëherë. Se kush do jetë do përcaktohet nga koalicioni dhe aleatët jo nga unë, edhe unë kam zërin tim”, tha Berisha.
