Kandidati i PD-së Belind Këlliçi ka propozuar ditën e sotme idenë e krijimit të një nënkalimi poshtë sheshit Skënderbej, për të lehtësuar trafikun e qytetit.
Kemi numrin më të madh të fëmijëve me azmë, tha mes të tjerave Këllici në fjalën e tij, dhe Tirana është një nga qytetet më të ndotura në Evropë. Projekti do të nisë me hyrjen në bulevardin dëshmorët e kombit. Do ndërtojmë një radë që do futemi nën kuotë, ku do të futemi më pas poshtë kalit të Skënderbeut, rreth 5.8 m pa e prekur një centimetër sheshin, sepse unë besoj se ka ardhur koha që të marrë fund ai mentalitet që cdo kryetar bashkie që vjen imponon shijen e vet personale, duke prishur sheshin. Ky shesh, edhe pse unë mendoj që nuk është funksional, por ka gjëra më të rëndësishme që mund të bëjmë tani. Dhe ajo që do të bëjmë është që do të ndërtojmë një tunel 200 metra me katër korsi, dy në vajtje dhe dy në ardhje, që do lidhin bulevardin Dëshmorët e Kombit me Zogun e Parë, për të shfryrë 60% të trafikut në këtë zonë, që trafiku në këtë zonë në zemër të Tiranës, bllokon me rrathë, rrathë, rrathë, tërë trafikun me radhë, tha mes të tjerave Këlliçi në prezantimin e tij.
