Aktorja e njohur hollivudiane Kirstie Alley, njohur më së shumti për rolin e saj në serialin-komedi “Cheers”, është ndarë nga jeta për hir të një kanceri në moshën 71-vjeçare.
Lajmin e bëjnë me dije fëmijët e saj, të cilët njoftojnë me keqardhje “se nëna jonë e dashur ka ndërruar jetë”.
Alley ka fituar çmimin Emmy për rolin e saj si menaxhere në serialin e njohur televiziv “Cheers”. Ajo ka luajtur po ashtu edhe tek filmat “Star Trek II”: The Wrath of Khan, “Drop Dead Gorgeous” dhe seritë “Look Who’s Talking”.
Familja nuk jep detaje të mëtejshme se ç’lloj kanceri ishte ai që i mori jetën aktores, por cilëson vetëm se ishte “zbuluar së fundmi”.
“Ajo qe rrethuar prej njerëzve të saj më të ngushtë dhe luftoi me forcë të madhe, duke na lënë me besimin se do të dimë ta jetojmë jetën dhe çdo aventurë që na pret”, shkruajnë ata. “Sa ikonë ishte në ekran, po aq ishte edhe një nënë e gjyshe e mahnitshme […] e pasionuar dhe e zellshme me pas jetës, fëmijëve, nipërive dhe kafshëve të saj të shumta, pa përmendur gëzimin e përhershëm të saj, krijimin”.
Aktori John Travolta, i cili ka luajtur me të në serialin “Look Who’s Talking”, ka shprehur në instagram dhimbjen e tij për largimin e saj nga jeta. “Ishte një nga marrëdhëniet më të veçanta që kam pasur ndonjëherë”, shkruan Travolta bri fotos së saj. “Të dua Kirstie. E di që do të shihemi sërish”.
