Pas arrestimit të dy mjekëve Serdi Memini dhe Ervin Sulaj për mitmarrje kundrejt shërbimit në spital, është zhvilluar ditën e sotme protesta e mjekëve të spitalit të Traumës, të cilët mes të tjerave kanë kërkuar të mos trajtohen si kriminelë, e se arrestimi i mjekëve nuk e zgjidh korrupsionin nëpër spitale.
Në deklaratën e tyre ata theksuan se mjeku nuk paraqet një rrezikshmëri aq të madhe shoqërore sa të arrestohet dhe të burgoset, e se ndalimet apo arrestimet për shoë mediatik pa pasnjë provë, janë abuzive. Në këndvështrimin e tyre, njerëzit kanë dhënë e do t’u japin bakshish mjekëve, dhe problem është sistemi, jo mjekët.
Mjekët nuk kanë rrezikshmëri të lartë shoqëri, nuk manipulojnë provat apo të largohen se në atë rast do i humbin gjithçka, ndalimet apo arrestimet me shoë mediatik pa asnjë prova janë abuzive, thanë mjekët në deklaratën e tyre. Pas këtij organizimi, do mblidhemi dhe do shqyrtojmë se çdo bëjmë, do e përshkallëzojmë apo jo.
Ndërkaq, një tjetër mjek u shpreh se: “Rama para disa vitesh ka thënë që problem në Shqipëri për korrupsionin është sistemi dhe jo individi, pra jam sot këtu për të protestuar për mënyrën e zgjidhjes së problemit, nuk është zgjidhje, zgjidhja është reformë e thellë, jo partiake dhe ajo që ka premtuar Rama është autonomia spitalore. Njerëzit kanë dhënë bakshish dhe do vijojnë të japin, problem është sistemi”, përfundoi ai.
