Presidentit Meta ka folur ditën e sotme për gazetarët nga Berati. I pyetur përse kishte ardhur në Berat në kohë pandemie, ai u shpreh se zgjodhi qytetin me histori mijëravjeçare, me rastin e ditës së Ujit tw Bekuar.
I pyetur nga gazetarët për akuzën e Ramës se po pengon zhvillimin e Vlorës, Meta refuzoi të përgjigjej, duke zgjedhur ta mbyllë prononcimin e vet me urimin për qytetarët e Beratit dhe gjithë shqiptarët. Jemi në një vend të shenjtë, tha ai, dhe kjo kishë që u rihap 30 vjet më parë, do të mbetet e hapur, ashtu sikurse besimi në Zot do të jetë gjithmonë i përjetshëm, por edhe besimi për një Shqipëri europiane. Faleminderit.
Kujtojmë që jo më larg se sa dje, kryeministri Rama u shpreh ditën e djeshme se Meta po mbante peng zhvillimin e Vlorës.
Ilir Meta thotë se realizimi i një projekti të hartuar prej kohësh për infrastrukturën turistike të Vlorës qenka “qëllim selektiv elektoral”, prandaj ai e mbaka bllokuar prej muajsh autorizimin formal për marrjen e financimit të siguruar nga Fondi Saudit! Të qash e të qeshësh! shkruan Rama në tuiterin personal.
