Në takimin e radhës me gazetarët,, presidenti Meta tërhoqi vëmendjen e qeverisë për situatën e rënduar shëndetësore në vend. Qeveria nuk mund të fajësohet për pandeminë, tha ai, por në mënyrë absolute po, për mënyrën se si po e menaxhon atë.
Nuk ka përse të paguhen në mënyrë fiktive miliona euro për inceneratorë, por do ishin shpëtuar shumë jetë, nëse pajisjet jetëshpëtuese do kishin ardhur. Nuk do kishim atë nivel vdekshmërie fatal në intubim, dhe nuk do ishte detyruar të bënte padi një institucion që nuk ka lidhje fare, për të frikësuar qytetarët, ndaj dy vajzave që kanë humbur të afërmin e tyre dhe nuk kanë gënjyer, se e kanë humbur vërtet. Padinë mund ta bëjnë mjeket e spitalet, nëse nuk qwndrojnë fjalwt e tyre, por patjetër jo institucionet që kanë tjetër detyrë me ligj. Vetëm në shtete të kapura mund të ndodhin fenomene të tilla të turpshme. Dhe është dyfish makabër të shfrytëzosh këtë situatë, jo vetëm për të mos e përqendruar vëmendjen aty ku është problemi më i madh, tek pandemia, tek qytearët dhe tek ekonomia që po vuan për shkak të pandemisë dhe mosmarrjes së masave, por të vazhdosh të rrisësh shërbimet ndaj origarkëve dhe të miratosh në parlament nga ato pacçvuret me emra që kushtojnë qindra milionë në kurriz të gjithë qytetarëve shqiptarë, e nga ana tjetër edhe t’i kërcënosh me burg e të mos i lësh të qajnë as babanë e të afërmin e tyre.
Nuk është ky shteti i të drejtës, nuk është ky shteti demokratik, nuk është ky shteti evropian. Prandaj i bëj thirrje edhe një herë, kryeministrit dhe gjithë qeverisë, të përqendrohen tek çështja më e madhe që ka vendi sot, sepse kjo histori me batuta, me akuza me historira të tilla, jo vetëm që nuk i nderon, se kjo është një gjë që ata nuk i shqetëson, por i akuzon shumë rëndë dhe i bën përgjegjës në mënyrë historike, për këtë që po ndodh.
