Kanë ngjallur reagime të forta në mbarë botën deklaratat e dukës dhe dukeshës e Sussex-it, mbi marrëdhënien e tyre me familjen mbretërore dhe motivet e largimit prej saj, dhënë në intervistën e gjatë me Oprah-në në një prej televizioneve amerikane.
Njëra prej këtyre deklaratave, ajo që ka ngjallur edhe më tepër reagime në publik, ka qenë meraku i familjes mbretërore për ngjyrën e lëkurës së Archie-t, të parlindurit të Meghan-it dhe Harry-t, motiv për të cilin, sipas Meghan-it, ata nuk i dhanë djalit as titullin princ.
Nuk doja të rroja më, dhe ky ishte një mendim i frikshëm i vazhdueshëm, është shprehur ajo. Ne duhej të shkonim një një event dhe unë i thashë atij “ti nuk mund të shkosh atje, se unë s’mund të lihem vetëm kështu siç jam” dhe, nëse e shihni atë foto, do shihni sa fort po ma mban ai dorën time. […] Ose kishte biseda shqetësuese mbi sa sa e errët do qe ngjyra e djalit tim kur të lindte, se kur të lindte, ai nuk do mbante të njëjtin titull si stërnipat e tjerë.
I pyetur se a duhej të niste Buckingham Palace ndonjë hetim mbi akuzat për racizëm ardhur prej deklaratave të Meghan-it dhe Harry-t, kryeministri britanik Boris Johnson u shpreh se ai personalisht ka pasur përherë admirim për Mbretëreshën dhe rolin e saj përbashkues që luan. Por ka kohë që nuk komentoj mbi çështjet e familjes mbretërore, u shpreh ai, e nuk kam ndërmend ta braksis këtë qasje sot.
Në intervistën e dhënë, Harry deklaroi se dy gjyshërit qenë shumë të mirë me të, dhe me shaka e quajti Mbretëreshën, Shefja ime.
Megan dhe Harry, pritet të bëhen së shpejti prindër të një vajze.
