Kreu i Partisë së Lirisë Ilir Meta ka reaguar lidhur me peanimin e fajësisë prej Charles McGonigalit, i cili mbrëmjen e djeshme, sipas deklaratês lëshuar prej Ministrinë së Drejtësisë Amerikane, ka pranuar se ka marrë 220.000 dollarë prej një ish punonjësi të shërbimit sekret, duke rikthyer sërish në qendër të vëmendjen, marrëdhënien miqësore të McGonigalit me kreun e qeverisë Rama.
“McGonigal pranoi përfundimisht fajësinë e tij për të gjitha akuzat lidhur me Shqipërinë në Gjykatën Federale të Uashingtonit.”, shkruan Meta. “Ai pranoi të gjitha faktet e Prokurorisë, përfshirë edhe takimet e paligjshme me Kryeministrin Rama. U vërtetuan nga prokurorët dhe u pranuan nga McGonigal pagesat e paligjshme dhe korruptive për qellime politike dhe financiare në këmbim të goditjes mafioze të opozitës duke keqpërdorur një zyrtar të lartë të FBI. Pranimi i fajësisë nga McGonigal provoi përgjegjësitë penale që rëndojnë mbi Kryeministrin dhe detyrimin e drejtësisë shqiptare për të mbrojtur ligjshmërinë dhe interesin e lartë publik. Përdorimi i zyrës së Kryeministrit për të asgjesuar pluralizmin politik në vend është shërbimi më i madh që i bëhet paligjshmërisë dhe veprimtarisë mafioze dhe kriminale.”, përfundon ai.
