Një grua 29 vjeçare nga Kukësi ka lindur foshnjën e saj teksa ka pasur komplikacione të rënda prej covid-19.
Lajmin e bën të ditur ministrja e Shëndetëisë Manastirliu, e cila njofton se si e reja ashtu dhe foshnja, janë tashmë gati të kthehen në shtëpië e tyre.
Besmira dhe foshnja e saj e fituan betejën e jetës në përballjen e vështirë me covid19 , shkruan Manastirliu, falë profesionalizmit dhe përkushtimit të bluzave të bardha. Pas ndërhyrjes tejet delikate për të sjellë në jetë vajzën, 29-vjeçarja nga Kukësi, me komplikacione të rënda si pasojë e covid19, ia doli mbanë.
Punë e shkëlqyer e ekipit të spitalit “Shefqet Ndroqi” dhe “Koço Gliozheni”, të cilët bënë të mundur që Besmira dhe vajza e porsalindur, pas dy javësh të vështira në terapi intensive, të kthehen shëndosh e mirë në shtëpi.
\n\n
