Ka përfunduar ditën e sotme edhe raundi i dytë takimeve Ukrainë-Rusi, i cili, ashtu si herën e parë (që u mbajt të hënën që sapo shkoi), u mbajt në Brest të Bjellorusisë, në kufi me Poloninë.
Në bisedimet mes palëve, në rendin e ditës së sotme qenë krijimi i korritoreve humanitare për evakuimin e civilëve dhe armëpushimi, diskutimi i të cilave është parapirë prej qendrimit qortues të zëdhënesit të Kremlinit Dmitry Peskov e po ashtu edhe atij të Punëve të Jashtme Ruse Sergey Lavrov, të cilët e vunë theksin tek vonesat e palës ukrainase në takim, duke i cilësuar ato si të qëllimta.
“Delegacioni ka gjetur sërish motive për t’u vonuar në bisedime, se u duhet të marrin udhëzime prej Uashingtonit”, është shprehur Lavrov në konferencën për shtyp, “Unë nuk e vë në diskutim që ky është një vend në varësi të plotë. Uashintoni e zotëron Evropën njësoj sic bënë Napoloni apo Hitleri në kohën e tyre. Sidoqoftë, Rusia po pret që histeria të marrë fund dhe perëndimi ta kapërcejë frenetizmin e saj. Bisedime duhet të bëhen dhe Rusia është gati të diskutojë garancitë për Ukrainën dhe tërë Evropën”, tha mes të tjerave Lavrovi.
Pala ruse ndërkohë ka pranuar krijimin e korridoreve humanitare për evakuimin e civilëve, por jo heqjen dorë nga demilitarizimi i Ukrainës, kurse ukrainasit kanë kërkuar armëpushim dhe mosdiskutimin e pavarësisë së Ukrainës. e cila nuk ishte objekt diskutimi.
Presidenti francez, Emmanuel Macron, ka deklaruar ndërkohë se më e keqja pritet ende të vijë prej Putinit.
Sipas asaj që deklarohet prej pallatit presidencial francez, pas një një bisede të gjatë me homologun rus, presidenti i Francës ka deklaruar se kreu i Kremlinit qe shprehur se e donte të gjithë Ukrainën, e se nuk do të tërhiqej kurrë pas, pasi Ukraina dhe Rusia ishin një.
“Jemi në luftë me neonazistët”, mësohet t’i jetë shprehur Putin- Macronit, ndërkohë që ky i fundit ka deklaruar se më e keqja prej Putinit, pritet ende të vijë.
