Një prej librarive më të famshme në botë, ajo e Shakespeare&Co në Paris të Francës, u është drejtuar lexuesëve të saj prej instagramit, duke u kërkuar ndihmë. “Ky mesazh”, shkruhet në llogarinë e saj në Instagram, “është për të gjithë miqtë tanë që interesohen për ne. Nëse doni të na ndihmoni, ju lutemi të shihni materialin që kemi pulikuar në story, ose vizitoni dyqanin tonë onlajn (linku në bio), për të mësuar se si. Ne bëjmë dërgesa në të gjithë botën. Faleminderit. Na mungoni. Ju duam. Shihemi së shpejti!
Vitin që vjen libraria Shakespeare&co mbush shtatëdhjetë vite nga hapja e saj, kohë në të cilën ka qenë përherë një qendër e rëndësishme e botës së letrave. Kujtojmë që kjo librari ka qenë qoshja e dashur për shumë shkrimtarë me famë botërore, si Hemingueji, Ezra Paund, Gertrudë Stejn, Fransis Skot Fitzxherald etj,.
Ndihma që libraria e famshme u ka kërkuar frekuentuesëve të vet, quhet CLIK&COLLECT dhe synon në blerjen e librave onlajn në faqen e saj dhe tërheqjen e tyre pranë librarisë në oraret e caktuara. Kjo, për shkak se, për hir të pandemisë, të ardhurat i kanë rënë deri në 80%, ç’ka rrezikonte shpënien e saj drejt falimentit.
