Presidenti i SHBA-ve Joe Biden, u ka bërë thirrje të gjithë qytetarëve amerikanë që ndodhen në Ukrainë, ta lënë menjë herë vendin, duke i vënë në dijeni për kërcënimet në rritje të një aksioni ushtarak rus. Ai ka thënë mes të tjerave se nëse Moska sulmon Ukrainën, nuk do t’I shpinte trupat për t’i shpëtuar, e se situata në rajon është e paqendrueshme e mund të precipitojë mjaft shpejt.
“Kemi të bëjmë me një prej ushtrive më të mëdha në botë”, u shpreh Biden për një nga rrjetet mët ë mëdha mediatike amerikane, “dhe qytetarët amerikanë duhet të largohen menjëherë, për shkak se situata mund precipitojë direkt”
I pyetur nëse ka ndonjë skenar të mundshëm që mund ta nxisë të shpjerë të dërgojë trupat për të shpëtuar amerikanët në ikje, Biden u përgjigj “Jo, nuk ka. Nëse amerikanët dhe rusët nisin t’i shtijnë njëri-tjetrit, shpërthen lufta botërore. Jemi në një botë shumë ndryshe nga ajo që kemi qenë dikur”.
E teksa Rusia zyrtare vazhdon ta mohojë planin për një pushtim të Ukrainës, duke shpënë gjithësesi në kujfij me Ukrainën më shumë se 100 mijë ushtarë, Ukraina e akuzon Rusinë se i ka bllokuar hyrjen në det, gjë për të cilën Kremlini deklaron se dëshiron të vendoste “vijat e kuqe”, për t’u siguruar se është i pari që e bën këtë gjë.
Ndërkaq, liderat botërorë kanë vazhduar bisedimet e tyre të shumta për ta zgjidhur krizën mes Ukrainës dhe Rusisë, të cilat, ditën e djeshme kanë deklaruar se nuk kishin mbërritur në asnjë zgjidhje pas bisedimeve me funskionarër francezë e gjermanë, ardhur për t’i dhënë fund konfliktit separatist në Ukrainën lindore.
Tensionet aktuale vijnë 8 vite pas Rusia aneksoi gadishullin ukrainas të Krimesë. Që prej asaj kohe, ushtria ukrainase, ka qenë e përfshirë në një luftë me rebelët separatistë, mbështetur prej Rusisë në hapësirat lindore në kufij të Rusisë.
