Kreu i qeverisë hollandeze Mark Rutte viziton sot për herë të parë Shqipërinë. Lajmin e bën të ditur vetë Ambasada e Hollandës në Tiranë, e cila njofton gjithashtu edhe axhendën e Rutte-s në Shqipëri.
Gjatë vizitës së tij në Shqipēri, kryeministri hollandez Rutte, do zhvillojë një bisedē me përfaqësuesit e shoqërisë civile, mbi një sërë temash, si ajo e rinisë, mbizotërimit të ligjit, sektorit privat dhe medias. Më pas Rutte do të zhvillojë ceremoninë e mirëseardhjes me kryeministrin Rama, me të cilin do të diskutojë mes të tjerave, edhe marrëdhënien e mirë të Shqipërisë me Hollandën Bashkimi Evropian, si dhe bashkëpunimin në fushën e drejtësisë e të policisë, zhvillimit në rajon dhe bashkëpunimit në NATO, thuhet në njoftimin e ambasadës.
Kujtojmë që Hollanda është një prej vendeve që e ka kundērshtuar nisjen e negociatave me Shqipërinë për anëtarësimin në BE dhe me gjasa, ardhja e Rutte-s, është një sinjal pozitiv në këtë drejtim.
