Kompania Pfizer ka lajmëruar të shtunën që vaksina e saj anti-covid është e sigurt edhe tek fëmijët e grupmoshave nga 12-15 vjeç. Të dhënat paraprake janë marrë prej një studimi mes 2260 vullnetarësh amerikanë të moshave nga 12-15 i cili nuk është bërë ende publik, prej nga ka rezultuar se fëmijët, pas vaksinimit, kanë pasur të njëjtat efekte kolaterale të njëjta me ato të të rriturëve, si dhimbja, temperatura, të dridhurat dhe lodhja, e vecanërisht pas dozës së dytë, por gjithashtu edhe të njëjtën efektshmëri.
E gjykojmë urgjente përdorimin e vaksinave në këto grupmosha, është shprehur kreu i Pfizer-it, Bourla, me shpresën e vaksinimit të kësaj fasheje moshore përpara nisjes së viti të ri shkollor në SHBA.
Por Pfizer nuk është kompania e vetme që po synon të hedhë në treg edhe vaksinën anti-covid fëmijët, pavarësisht se deri më tani është thënë që ky virus nuk është aq problematik tek ta, sa tek të rriturit. Së shpejti priten rezultatet e Modernës në grupshoshat nga 12 dhe 17 vjeç, e ndërkaq, Agjencia e Barnave Amerikane (FDA) u ka kërkuar të dyja kompanive të nisin parjen e efekteve tek grupmoshat nga 11 deri në 6 muajsh.
AstraZeneca ndërkohë ka nisur studimin e efekteve të vaksinës së saj në grupmoshat nga 6 deri në 17 vjeç në Britaninë e Madhe, kurse Johnson&Johnson po planifikon të nis studimet për efektin në moshat pediatrike.
Ndërkaq, Sinovac-u kinez, ka deklaruar se u ka paraqitur autoriteteve kineze të dhëna paraprake, që dëshmojnë se kjo vaksinë është e sigurt tek fëmijët, duke nisur që nga mosha 3 vjeç e lart.
