Kemi hyrë në një çast tejet të vecantë të vitit. Dielli në hemisferën tonë Veriore, do ketë fuqinë më të ulët të vetën: nata duket në fakt sikur mbizotëron mbi dritën, por kjo është në fakt një periudhë tejet fitimprurëse e vitit. Është koha e hapjes së portave të energjive të thella. Nuk është rastësi, që, qysh prej kohërave më të hershme, qeniet njerëzore kanë fiksuar festimet që lidhen me dritën dhe rilindjen. Nga këto zakone, në botën tonë perëndimore, kanë mbetur gjurmët e preludit të Solstikut të Dimrit, pra Krishtlindjet dhe Viti i ri, periudhë kur drita nis e shtohet, e bashkë me të merr hov edhe një cikël i ri i natyrës.
Por, siç shpesh ndodh përpara ndryshimeve të mëdha, tani do rrojmë një periudhë qetësie, gjatë së cilës gjithçka përgatitet në thellësi.
Java në vijim në fakt, do jetë e pasur me ngjarje si në nivel astronomik, ashtu edhe në atë astrologjik. Tani për tani, gjithçka duket sikur ka ndalur. Ekuilibrat qiellorë këtyre ditëve do jenë të qëndrueshëm, krahasuar me javën e mëparëshme.
Pezull ende shenjat e Ajrit, që nuk mbështeten ende nga ndonjë planet. Ndryshe nga ata, tejet të fortë do të shfaqen shenjat e Zjarrit, që fuqizohen nga rrezet e Diellit dhe Mërkurit në Shigjetar, e të Marsit në Dash.
Pasioni dhe emocionet do vazhdojnë të jenë protagonste në qiellin e shenjave të Ujit, të cilat ndriçohen nga rrezet e Venusit tek Akrepi e të Neptunit tek Peshqit. Nën presion të madh, por dhe për pak kohë, shenjat e Tokës, të mbështetura, por edhe të rënduara, prej energjive të fuqishme të Uranit (retrogradë) tek Demi dhe Saturn-Pluton-Jupiterit tek Bricjapi.
DASHI
Ka nisur numërimi mprapsht drejt çlirimit! Kuadratura e trefishtë e Saturinit, Jupiterit dhe Plutonit nga shenja e Bricjapit, tashmë i ka ditët e numëruara dhe ju ndjeni në ajër aromën e ndryshimit të energjisë. Por nguti s’është kurrë i mirë dhe këtë mos e harroni kurë. Në këtë çast, energji në anën tuaj keni mjaft: Marsi është tranzit në pjesën tuaj të qiellit, Dielli dhe Mërkuri janë në trekëndësh nga shenja e Shigjetarit. Kundërpesha e dhënë prej Jupiterit, Saturnit dhe Plutonit në këtë çast, s’bën gjë tjetër, veçse ju mban me këmbë në tokë. Kur të vijë momenti, mund të lëshoheni në vrapin që prisni prej kohësh, dhe, pak po e sigurt, dhe pakëz rërë ka mbetur në klesidër. Edhe në dashuri gjërat do të zhbllokohen shumë shpejt. Bëni gati motorrët, pra!
DEMI
Kohëra përgatitore edhe për ju miq të Demit. Tërë Zodiaku po përgatitet për një ngjarje vërtet të mrekullueshme: hyrja e Jupiterit dhe Saturnit në shenjën e Ujorit. Për ju të parët e shenjës së Tokës, ky kalim do jetë vërtet i rëndësishëm. Mjaft shpejt do jeni të detyruar të zgjidhni, dhe është e rëndësishme që ta përdorni këtë periudhë pritjeje, për të kuptuar mirë se cilat janë dëshirat tuaja. Pas disa javëve, do t’ju duhet të hidheni në veprim, dhe nuk do kini më kohën që keni tani, për t’u menduar. E ardhmja e afërt do t’ju kërkojë të përfshiheni tërësisht, nëse nuk do donit të përballeshit me zhgënjimin. Kjo vlen si për dashurinë, ashtu dhe për punën. Këshilla që ju vjen nga yjet, është kjo: përdoreni në maksimum energjinë favorizuese të Jupiterit dhe Saturnit, ende në trekëndësh nga shenja e Bricjapit. Sa u përket punëve të zemrës, mund të sajoni ndonjë ngatërresë, parë kundërshtinë nga shenja e Akrepit, por mjaft shpejt, ylli i dashurisë, do kthehet t’ju buzëqeshë.
BINJAKËT
Është e vërtetë, qielli i këtyre ditëve është vërtet i çuditshëm, krijon paqetësi, por nuk jeni vetëm ju që e ndjeni. Është i tërë Zodiaku që percepton këmbanat e një ndryshimi tejet të shpejtë. Zemra dhe mendja ju shkelmojnë, por jini të sigurt që mjaft shpejt, të dyja do kenë materiale mbi të cilat të punojnë.
Gjatë këtyre ditëve, këshilla është t’i mblidhni të tëra forcat në ato anë të jetës që ju kanë treguar deri më tani një shenjë përparimi. Lërini mënjanë, nëse-të dhe por-et. Fjala mbret e këtyre ditëve është: të jetosh tani e këtë moment. Nuk jeni kangurë që t’i kaperceni etapat. Duhet t’i kaloni si çdo qenie njerëzore dhe hapi i bërë sot, do t’ju sjellë të mbarën e nesërme.
