“Është e pamundur që efektet anësore që prune pezullimin e vaksinimit me AstraZeneca në vende të ndryshme të Evropës, të kenë lidhje me atë vaksinë”. Ka qenë kjo deklarata e Dutch Medicines Evaluation Board (MEB), e cila pohon se trompoza dhe hembolia pulmonare nuk janë efekte të njohura të vaksinës.
“Kur vaksinohen grupe të mëdha”, shprehen ata për mediat hollandeze “siç po ndodh tani, mund të priten edhe gjëra të tilla. Por jemi përherë të detyruar të hetojmë mbi baza të qenësishme, dhe është pikërisht kjo që po bëjmë. Autoriteti Europian i Barnave (EMA), po e diskuton një një të tillë në kontekstin europian, dhe natyrisht do ketë orientime të reja, por tani për tani, nuk ka përse të pezullohet”.
Ndërkaq, Lareb, qendra hollandeze për efektet anësore, është shprehur se nuk sheh asnjë motiv për ta ndërprerë vaksinën AstraZeneca. Kant, drejtuesja e Lareb, shprehet se në Vendet e Ulëta, ka pasur vetëm një njoftim për një trompozë të mundshme nga vaksina AstraZeneca, pa pasoja të rënda.
Sipas të dhënave më të fundit të kësaj qendre, në total kanë qenë 6.426 njoftime për efekte anësore tek të gjithë të vaksinuarit deri më sot, pjesa më e madhe e të cilave, rreth 5.800, ka ardhur pas marrjes së vaksinës Pfizer / BioNTech. Vetëm 159 kanë pasur lidhje me AstraZeneca-n.
