Ministrja Balluku ka deklaruar sot hapjen provizore të tunelit 4 të nyjes Shqiponja, e cila me gjasa do të lehtësojë trafikun nga Tirana në Durrës. Balluku tha se kjo është një hapje provizore, e cila në hapjen finale të nyjes nuk do jetë e njëjta.
Automjetet që dalin nga Tirana, sqaroi Balluku, pra nga pallati me shigjeta ose nga ura e lidhjes me Tegun, kalojnë direkte në tubin e katërt, për të dalë tek autostrada në drejtim të Durrësit. Duhet të theksojmë që këto nuk do jenë lëvizjet definitive, ato që do të ketë projekti në përfundim. Pra në dhjetor të 2021 kur projekti të përfundojë nuk do të jenë këto lëvizjet e tubave që kemi sot. Këto tunele po hapen paraprakisht, për të pasur një cfryrje të trafikut të ngarkuar në qytetin e Tiranës.
Shpresojmë që brenda dy javëve të hapim edhe tunelin e tretë, i cili do facilitojë trafikun nga Durrësi drejt Tiranës.
