Fenomeni Tire dhe rryshfeti nëpër spitale ka qenë argumenti i debatit televiziv sot në mbrëmje në emisionin Open.
I pyetur prej moderatores Vasili se a beson se në skemën e zhvatjes së parave prej familjarëve të pacientëve, është përfshirë, përveç infermiereve, dhe ndonjë mjek, drejtori i spitalit “Shefqet Ndroqi”, Perlat Kapisyzi, i është përgjigjur se do zhgënjehej shumë po ta merrte vesh një gjë të tillë, dhe se nuk mendon se mund të ketë ndodhur.
Do zhgënjehesha, ka thënë ai. Por nuk e besoj. Kur i shoh se si punojnë, se si, atyre nuk u thënë njeri ikni në atë orë e ikni në këtë orë, po kur i shoh që ikin në ora 8 në shtëpi, në ora 7, ikin mbas rojes, rrinë mbas rojes, vazhdojnë edhe 4-5 orë të tjera për të parë… Nuk e besoj.
