Kompania Meta ka njoftuar disa masa më kufizuese sa i takon kontrollit të përmbajtjes, në përputhje me këshillat e ekspertëve. Eksperienca të sigurta e të përshtatshme për përdoruesit adoleshentë: ky është qëllimi që Meta i ka vendosur vetes, e të cilin dëshiron ta arrijë me përditësimet e radhës në Facebook dhe Instagram, duke vënë në dispozicion më shumë se 30 mjete dhe burime, për të mbështetur adoleshentët dhe prindërit e tyre, të menaxhojnë përmbajtjet që shkelin rregullat e mediave sociale, ose që mund të konsiderohen të ndjeshme.
Sipas Mark Zuckerberg mbështetur në sugjerimet e ekspertëve që merren me zhvillimin e adoleshentëve, psikologjinë dhe shëndetin mendor, platforma Meta do të ofrojë mundësinë se sit ë të mbrohet një I ri, në rrjetet sociale, i cili ndoshta vuan betejën kundër mendimeve të vetëdëmtimit. Algoritmi do të fillojë të heqë këtë lloj përmbajtjeje nga përvojat e adoleshentëve në Instagram dhe Facebook, si dhe lloje të tjera përmbajtjesh që nuk janë të papërshtatshme për moshën e tyre. Nëse më parë kjo përmbajtje ishte përjashtuar në Reels dhe Explore, me përditësimin e sotëm nuk do të shfaqet më as në Feed dhe Story-t, edhe nëse shpërndahet nga dikush që ata ndjekin.
Përditësim i rekomandimeve të përmbajtjeve për adoleshentët/ Tek të gjithë adoleshentët do të aktivizohet në mënyrë atutomatike vendosja më e kontrolluar e përmbajtjeve. Është një komantë e pranishme që tani për ata që kanë qenë të rregjistruar, por do të vendoset edhe tek ata që kanë qenë të rregjistruar më parë. Kontrollet e rekomandimit të përmbajtjeve, të njohura si “Kontrolli i përmbajtjeve të ndjeshme” në Instagram, dhe “Kufizo” në Fejsbuk, do ta bëjnë më të vështirë për njerëzit të ndjshen me përmbajtje apo llogari potencialisht të ndjeshme nëpër seksionet Kërko dhe Eksploro.
Vetëvrasja, vetëdëmtimi dhe çrregullimet e të ngrënit do të fshihen Pavarësisht se Meta u jep njerëzve mundësinë të shpërndajnë përmbajtje ku diskutohet për vetëvrasjen, vetëdëmtimin dhe çrregullimet e të ngrënit, politika e saj është të mos e rekomandojë këtë përmbajtje. Tani e tutje do të jetë më e vështirë për ta gjetur këtë përmbajtje. Kur njerëzit kërkojnë për terma që lidhen me vetëvrasjen, vetëdëmtimin dhe çrregullimet e të ngrënit, do dalë një shënim që ju orienton të drejtoheni te burimet e ekspertëve për ndihmë. Ky përditësim do të jetë i disponueshëm për të gjithë në javët në vijim.
