Komisioni Europian ka çertifikuar ditën e sotme çertifikatën e COVID-19 lëshuar nga autoritetet shqiptare. Prej ditës së sotme, kjo çertifikatë, do të ketë të njëjtën vlerë me atë të lëshuar në Evropë, që rëndom njihet si “Green Pass”.
Përveç Shqipërisë, ky çertifikim iu bë edhe shtatë vendeve të tjera, Andorrës, Ishujve Faraoe, Izraelit, Monakos, Marokut dhe Panamasë, territoret e të cilave, po ashtu si Shqipëria, do të jenë të lidhura me sistemin dixhital të BE-së, dhe çertifikatat e lëshuara prej tyre, do të kenë të njëjtën vlerë si ato lëshuar në Evropë.
“Gjatë kësaj vere, u shpreh Komisioneri për Drejtësinë, Didier Reynders, vumë re që qytetarët mund të udhëtojnë në mënyrë të sigurt falë çertifikatës dixhitale COVID të BE-së. Kjo është një gjë e mirë për të gjithë. Qytetarët mund të shijojnë të drejtën e tyre për të lëvizur, e po ashtu edhe sektori i transportit mund të nisë e të rikuperojë muajt e humbur deri më tani. Që prej qershorit, janë lëshuar më shumë se 420 milionë çertifikata nga BE. Ndaj e mirëpres me shumë kënaqësi, që përherë e më shumë, vende jashtë BE-së po i bashkohen sistemit tonë të suksesshëm. Një numër prej rreth 42 vendesh, 27 vende anëtare të BE-së dhe 15 jo anëtare, janë tashmë pjesë e çertifikimit dixhital COVID të BE-së, duke e konfirmuar kështu çertifikatën e BE-së ,si standard ndërkombëtar, përfundoi ai.
![](https://metropolpost.al/wp-content/uploads/2021/09/Didier-1024x683.jpg)