Këngëtarja Eneda Tarifa largohet nga Portokallia. Lajmin e ka bërë të ditur vetë artisja në rrjetjet sociale, ku shprehet se u kthye në atë spektakël humoristik me shumë mall, por në një farë mënyre e nxori mallin, dhe tashmë është koha të sjellë projektet e veta artistike.
Të dashurit e mi, miq realë e virtual, shkruan ajo në instagramin e saj. Më duhet t’ju njoftoj se rrugëtimi im në spektaklin “Portokalli” përfundon këtu. U riktheva me mall në atë skenë kur m’u propozua nga drejtuesit dhe, në një farë mënyre e nxorra mallin kur i thone një fjale. Por është momenti që të sjell në jetë projektet e mia pa më “shitur” dhe pa më “blerë” dikush (sikurse shkruhet në disa portale) dhe të vazhdoj të japë kontributin tim artistik për këtë vend.
Do komunikoj me ju vetëm në profilet e mia zyrtare në rrjete sociale dhe në kanalin tim ne Youtube. Shihemi së shpejti.
Kujtojmë që Eneda nuk ka më shumë se një vit që u rikthye në spektaklin e humorit Portokalli, ku zëvendësoi Xhemi Shehun, pas largimit të saj nga ky spektakël.
