Ende pa mbaruar punë mirë me Deltën, mutacionin më shqetësues të virusit covid-19 për momentin, një tjetër mutacion duket se është identifikuar, kësaj here për herë të parë në Kolumbi, i cili njihet ndryshe edhe si varianti varianti B.1.621 apo Mu.
Ky variant, sipas OBSH-së është shtuar në listën e kontrollit më 30 gusht, pasi prania e tij u u re në 39 vende të botës dhe u zbulua se përmban një sërë mutacionesh, që mund të jenë problematike për imunitetin e fituar nga njerëzit.
Sipas buletinit javor të OBSH-së mbi pandeminë, cituar nga The Guardian, variant Mu “ka një yjësi mutacionesh, që dëshmojnë cilësi të afta për të cënuar imunitetin”. Të dhënat paraprake sugjerojnë që ky virus, mund ta dëmtojë imunitetin, njësoj si variant Beta zbuluar për herë të parë në Afrikën e Jugut, por kjo është diçka që duhet parë dhe konfirmuar edhe në vijim.
Varianti Mu është identifikuar për herë të parë në Kolumbi në janar të 2021-it. Që prej atëherë janë rregjistruar raste sporadike e po ashtu edhe disa vatra më të mëdha në të gjithë botën. Përveçëse në Afrikën e Jugut, janë shënuar raste në Mbretërinë e Bashkuar, Evropë, në Shtetet e Bashkuara, Japoni dhe Hong-Kong. Edhe pse ky variant paraqet më pak se 0.1 % të infeksioneve Covid në nivel botëror, nga Kolumbia në Ekuador përfaqëon respektivisht 39% dhe 13 % të rasteve.
Sipas ekspertëve të shëndetit publik, ky variant duhet të mbahet nën vëzhgim, për të parë se si do të rezultojë më gjerë epidemiologjia e tij në popullësi. Mu është varianti i pesë i monitoruar prej OBSH-së, i cili shihet me shqetësim për ndikimin e mundshëm në popullatë.
