Kandidat për t’u bërë sërish pjesë e parlamentit, Sali Berisha, lideri historik i PD-së, ka bërë me dije në një intervistë të vetën në një prej medieve vizive në vend, se lajmërimet që ai ka bërë për vaksinat në fejsbukun e tij, kanë pasur qëllim të infomojnë audiencën. Mos respektimi prej qeverisë, u shpreh ai, i pasaportës së vetë Sinovac-ut, përbën shkelje ligjore dhe unë e kam denoncuar.
Vetë pasaporta e Sinovakut, vetë autoritetet kineze, me notë zyrtare drejtuar përfaqësive diplomatike dhe organizatave ndërkombëtare në Pekin, janë shprehur se Sinovac është i kondraindikuar tek personat me moshë nën 18 vjeç dhe 60 e sipër, tha Berisha. Kam sqaruar se ky kondraindiklacion nuk ka të bëjë me asgjë tjetër, por lidhet me faktin se Sinovac nuk ka përfunduar provat në këto dy grupmosha dhe, pa bërë prova klinike, askush nuk merr në botë përgjegjësi për të bërë vaksinimin e qytetarëve të këtyre grupmoshave. Republika e Kinës tani po bën provat në grupmoshën 60 e sipër dhe, sigurisht pas përfundimit të provave klinike, ajo do të njoftojë edhe rezultatet. Personalisht kam kërkuar të zbatohet, dhe e kam quajtur vepër penale, shkeljen e këtij ligji në përdorimin e Sinovac. Çdo indikacion që ka ndodhur tek njerëit, tek qytetarët me moshë 60 vjeç e sipër, është i dënueshëm ligjërisht, pasi dokumenti që e ndalon është dokument ligjor.
Mirëpo çfarë ndodhi? Qeveria e ndërpreu vaksinimin dhe ju e shihni që nuk ka më në sheshin “Skënderbej” vaksinime, e ndërpreu, dhe pastaj filloi propagandën kundër opozitës, ose mashtrimet se jo do ulim moshën e do rrisim moshën, por faktikisht. nga të moshuarit kaloi tek arsimtarët dhe policia.
Në vijim Berisha tha se vaksinimi qe një gjë shumë e mirë, por shqiptarët duhej të kishin kujdes datat e skadencave, përshkak se të gjitha vaksinat kanë një cikël të tyrin sa i takon kohës së efektivitetit përkatës.
Shqiparët duhet të dinë që për datat skandencës së tyre asgjë nuk dihet. Dihet që disa prej tyre janë marrë kondrabandë, nga burime të paqarta, por nuk dihet asgjë për datat e skadimit të tyre. Serbia njoftoi 10 ditë më parë se ajo kishte 30 mijë doza AstraZeneca që skadonin për 3 ditë dhe ftoi të huaj dhe vendas që të shkonin t’i bënin. Në Shqipëri nuk skadon asgjë, përfundoi fjalën e tij Berisha.
