Në takimin onlajn me zv.presidentin e Komisionit Europian, njëkohësisht Komisioner për Mënyrën Europiane të jetesës, z. Margaritis Schina, kreu i PD-së Basha bashkëndau një pjesë të programit të tij për zgjedhjet e 25 prillit, e po ashtu edhe vizionin e Partisë Demokratike sapo ajo të fitojë. Mes çështjeve që Basha adresoi tek komisioneri Schina, qenë ekonomia, hyrja në BE, ikja e të rinjëve dhe vaksinimi, për përkeqësimin e situatave të të cilave, ai fajësoi qeverisen e Partisë Socialiste gjatë këtyre 8 viteve.
Sot është e rëndësishme që shqiptarët të ruajnë besimin, se me një qeveri qëllimi kryesor i së cilës është bërja anëtare me të drejta të plota në BE, ne do të jemi në gjendje ta realizojmë, do të kemi ndihmën dhe do të jemi të aftë të ecim në këtë rrugë dhe ky është mesazhi kryesor që ne po adresojmë në fushatën tonë, informoi Basha zv/presidentin e BE-se Scina.
Njerëzit e kuptojnë që me nivelin e pagave e të pensioneve aktuale, nuk mund të jesh pjesë e BE-së, Pa investime evropiane, s’mund të jesh anëtar I BE, pa vlera të shtuara evropiane në universitetet tona, pa qenë në gjendje të trajnojmë rininë tonë, që është ë ardhmja jonë, në marrjen e një profesioni, me trajnimin e arsimit dual, e cila është praktika më e mirë evropiane, nuk do të jemi në gjendje të tërheqim investime të huaja direkte, dhe ne jemi në gjende të merremi me këtë plan të detajuar dhe shumë sfida të tjera.
Do të ndihmojmë ekonominë të dalë nga kriza, për t’u dhënë shqiptarëve një ekonomi të fortë dhe ne u premtojmë që do t’u rrisim pagat, do rrisim investimet publike, do përmirësojmë shërbimin shëndetësor, do bëjmë investime në sektorin e arsimit, që është një proces që do të bëhet i mundur nga zbatimi i normave dhe standardeve të BE-së.
Kjo është një përparësi kryesore për qeverinë time pas zgjedhjeve, dhe unë jam angazhuar që brenda 100 ditëve sime, të bëjmë të mundur hapjen e negociatave, tha Basha.
