Gazetarja Anduena Llabani, ka zbuluar se zv/kryeministrja njëherësh ministre e Infrastrukturës dhe Energjisë, Belinda Balluku ka marrë pasditen e sotme fletëthirrjen e dytë nga Prokuroria e Posaçme për t’u paraqitur ditën e premte me avokatin e saj në SPAK.
Llabani tha se kjo është fletëthirrja e dytë, e cila sipas saj, do të thotë se në rast se Balluku nuk do të paraqitet, atëherë do të urdhërohet policia për ta shoqëruar.
“Sot pasdite, SPAK ka nisur një fletëthirrje për Belinda Ballukun, e cila duhet të paraqitet ditën e premte pranë Prokurorisë së Posaçme, bashkë me avokatin e saj mbrojtës. Fletëthirrja e dytë do të thotë që, në rast se Balluku nuk do të paraqitet, atëherë do të urdhërohet policia për ta shoqëruar”, tha ajo në nisje të emisionit “Oponencë” në News 24.
Gazetarja theksoi se shumë njerëz e interpretuan lajmin e thirrjes së saj në SPAK si një manovër nga Kryeministri i vendit, i cili ende nuk e kishte vendosur nëse do ta lejonte Ballukun.
Anduena Llabani: Kishim kohë pa dëgjuar lajme bombastike si arrestime apo fletëthirrje që SPAK-u ka vendosur me ne fund të bëjë ndaj zyrtarëve të lartë, ose quajtur ndryshe peshqit e mëdhenj.
Këtë fundjavë, regjistroi lajmin bombë pikërisht ai lajm që disa reporterë pranë SPAK-ut bënë me dije: numri 2 i qeverisë, Belinda Balluku, duhet të paraqitet të hënën bashkë me avokatin e saj pranë Prokurorisë së Posaçme për t’u marrë e pandehur
Por, ndërkohë që lajmi ziente në Tiranë, Belinda Balluku na shfaqet në Zvicër duke treguar se asgjë nuk kishte ndryshuar, se puna e saj vazhdonte dhe ishte një gjë shumë normale, pra duke mohuar faktin që ajo do ishte prekur pikërisht nga SPAK-u.
Shumë njerëz thanë dhe interpretuan se ishte një manovër që Kryeministri i vendit ende nuk e kishte vendosur nëse do ta lejonte Ballukun.
SPAK-u nuk e publikoi vetë lajmin, ja dha gazetarëve. Dritan Prenci, i cili kishte firmosur kërkesën për thirrjen dhe paraqitjen e Ballukut bashkë me avokatin e saj pranë prokurorisë, nuk doli ta bënte publike. Madje, kur gazetarët e pyetën SPAK-un se a ishte i vërtetë lajmi, ata bënë një deklaratë hermafrodite, duke lënë të kuptohet as po, as jo.
Sot pasdite, SPAK ka nisur një fletëthirrje për Belinda Ballukun, e cila duhet të paraqitet ditën e premte pranë Prokurorisë së Posaçme, bashkë me avokatin e saj mbrojtës. Fletëthirrja e dytë do të thotë që, në rast se Balluku nuk do të paraqitet, atëherë do të urdërohet policia për ta shoqëruar.
