Ambasada ruse në Shqipëri ka publikuar në faqen e saj zyrtare në fejsbuk, një status ku paraqet fjalën e presidentit Putin gjatë takimeit në Rusi për mbështetjen sociale-ekonomike të rajoneve të vendit.
Në fjalën e tij sjellë prej Ambasadës Ruse, presidenti rus Putin, fajëson Perëndimin dhe ambicjet e tij për zgjerim, duke e cilësuar bllokadë aktualë të Perëndimit ndaj Rusisë, si një plan të menduar prej kohësh.
Sa më poshtë statusi i plotë i Ambasadës Ruse
“Presidenti i Rusisë, Vladimir Putin gjatë takimit për masat e mbështetjes sociale ekonomike për rajonet:
Ukraina, e mbështetur nga SHBA-të dhe një numër vendesh evropiane, po përgatitej qëllimisht për një skenar ushtarak, një masakër të përgjakshme dhe spastrime etnike në Donbas. Sulmi masiv në Donbas dhe Krime ishte thjesht një çështje kohe. Forcat tona të Armatosura prishën ua këto plane. Çfarë të habit me cinizmin e saj të pamasë është jo vetëm gënjeshtra e paturpshme e Kievit, deklarata e pretenduar se Rusia lëshoi raketën në Donetsk (deri këtu u shkoi mendja!), por edhe fakti që e ashtuquajtura botë perëndimore e qytetëruar, media evropiane dhe amerikane, as që e vuri re tragjedinë e Donetskut, sikur nuk kishte ndodhur asgjë.
Talljet shumëvjeçare ndaj banorëve të Donbasit nuk mund të duroheshin më. Dhe për t’i dhënë fund gjenocidit, Rusia njohu republikat popullore të Donbasit, nënshkroi me to marrëveshjet e miqësisë dhe ndihmës së ndërsjellë. Në bazë të këtyre marrëveshjeve, republikat iu drejtuan vendit tonë për ndihmë ushtarake për të pasqyruar agresionin. Dhe ne këtë ndihmë ua dhamë, thjesht nuk mundeshim, nuk kishim të drejtë të vepronim ndryshe. Nëse forcat tona do të vepronin vetëm në territorin e republikave popullore, nëse do t’i ndihmonin ato të çlironin tokën e tyre, kjo nuk do të ishte një zgjidhje përfundimtare, nuk do të kishte sjellë paqen dhe nuk do të eliminonte nga rrënjët rreziqet ndaj vendit tonë tashmë, ndaj Rusisë. Përkundrazi, rreth Donbasit dhe përgjatë kufijve të tij do të shtrihej një linjë e re fronti, do të vazhdonin goditjet dhe provokimet. Pra, konflikti i armatosur do të zgjatej pafundësisht, do të nxitej nga histeria revanshiste e regjimit të Kievit, ndërsa infrastruktura e NATO-s në Ukrainë do të zhvillohej edhe më shpejt dhe në mënyrë më agresive: ne do të ishim vendosur para faktit që armët sulmuese të Aleancës do të ishin tashmë pranë kufijve tanë.
Sot gjithë planetit i duhet të paguajë për ambiciet e Perëndimit, për përpjekjet e tij për të ruajtur me çdo mënyrë dominimin që po i rrëshket nga duart. Politika e frenimit, dobësimit të Rusisë, duke përfshirë izolimin ekonomik, bllokadën është një strategji afatgjatë e ndërmarrë me vetëdije.”
