Një ngjarje e paprecendentë në asnjë prej kryeqyteteve botërore është shënuar sot në mbrëmje pranë pallateve Agimi në Tiranë, ku një autobus i unazës me pasagjerë është përplasur me një makinë, duke përfunduar të dyja palët në lumin e lanës.
Nga pamjet e shfaqura nëpër media pasagjerët e unazës kanë dalë të tmerruar, ndërkohë që sipas njoftimeve paraprake dyshohet për 6 të plagosur, edhe pse policia njofton për dy të tillë.
Njoftimi paraprak i policisë:
Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.
Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin. Grupi hetimor ndodhet në vendngjarje dhe po punon për sqarimin e rrethanave të aksidentit.
