Teksa sezoni veror ka nisur, mes muzikës së lartë dhe çmimeve të kripura, në jug gjen edhe “tregtarë të vegjël librash”, të cilët përpiqen t’i ofrojnë pushuesëve, një produkt tejet të vyer, e në daçi edhe elitar, siç është libri.
Por çfarë tërhiqet me shumë dhe a blejnë libra shqiptarët teksa pushojnë?
“Kur dinë të lexojnë”, përgjigjet djali që i shet me një farë sarkazme, duke treguar se më së shumti ecin autorë klasikë, të cilët me gjasa kanë vrarë veshin e lexuesit pushues. “Ana Karenina ecën”, thotë djaloshi, “Pasion dhe Mëkat, E varfër dhe e bukur…”
Por ai zgjedh vetë ai titujt që u ofron lexuesëve? Pra a e di djaloshi se çfarë po shet, e në janë librat që ai mbart në krah përgjatë gjithë bregdeti, titujt më të fundit, prej të cilëve pushuesit mund të joshen e të afrohen me librin?
“Mua m’i sjell një furnizues” përgjigjet. “Unë jam i punësuar. Madje as për të lexuar nuk më del koha, sepse jam në punë deri në 10 të mbrëmbjes”.
