Deputetja e Partisë së Lirisë Monika Kryemadhi, në konferencën me gazetarët zhvilluar mesditën e sotme, ka reaguar e indinjuar për akuzat e SPAK-ut sa u takon operacioneve të kryera prej saj dhe familjarëve të saj. Në deklaratën e bërë, Kryemadhi u shpreh se akuzat e SPAK-ut sa u takon operacioneve të familjes së sah nuk janë të vërteta e se Meta nuk ka qenë në dijeni të shpenzimeve.
“Ndihem shumë e fyer kur SPAK thotë në deklaratën e tij 106 mijë euro operacione”, u shpreh Kryemadhi në deklaratën e saj. “Tën deruar gazetarë, të nderuar qytetarë. Në moshën 6 vjeç fëmija im është sëmurur dhe mjekët i kanë dhënë 1 javë jetë nëse nuk bëhej ndërhyrja. Ka bërë dhe 2 operacione të tjera, po, përsëri, një në 2013-n, një në 2015 fillim i 2016, dhe një para një viti, ku është hapur nga fillimi i fytit deri në fund të barkut. Ka bërë edhe Ilir Meta një operacion, shëndetësor, në 2013-n, që e kam paguar unë jo Ilir Meta dhe nuk e di Ilir Meta sa ka kushtuar. Dhe, për parantezë, po ju them që, për çdo gjë që flitet aty, po ju them që Ilir Meta nuk ka paguar asgjë në jetë të vet, sikur një shishe ujë, sepse është një personazh, që ju e dini shumë mirë, që po ta pyesni sa bën një shishe ujë, nuk di gjë. Kam paguar unë çdo transaksion në shkollat e fëmijëve të mi. Kam paguar unë çdo gjë, drita e ujë, kam qenë unë ajo që kam marrë edhe rrogën e Ilir Metës në bankë. Ilir Meta është marrë vetëm me politikë të madhe, liberalizimin e vizave, reforma në drejtësi, domethënë me gjithë këto muhabetet që kanë vajtur dëm, se ne vetëm demokraci nuk kemi sot.
Të më fali shumë Matilda Makoçi, Edi Rama dhe Gregor Rama. A e ka deklaruar Edi Rama operacionin e fëmijës së vet, kur e ka pasur të sëmurë me kancer, kush ia ka paguar, kur e ka bërë dhe si e ka bërë? A e ka hetur SPAK-u këtë gjë? A do bëjë deklaratë Altin Dumani, Sotir Kllapi dhe Arben Kraja, për hetimin e shërimit të djalit të Edi Ramës? Nxjerr SPAK-u faturën 1800 euro të heqjes së një lipome të fëmijës sim? Nxjerr SPAKU faturën e heqjes së qafës së mitrës sime që kisha unë me kancer dhe e thotë si operacion plastik, për t’u dhënë ushqim mediave të Erjon Velisë dhe Edi Ramës? Nuk kam bërë asnjë operacion plastik, se po ta kisha bërë, nuk do kisha turp ta thoja. Kam bërë mirëmbajtje të vetes sime si grua, si vajzë si të gjitha gratë dhe burrat shqiptarë sot”, deklaroi mes të tjerave Monika Kryemadhi.
