Teksa ndodhej në Vlorë për të prezantuar të rinjtë që do t’i bashkohen PS-së në zgjedhjet e 2021-it, kryeministri Rama s’mund të linte pa ngacmuar edhe kundërsharin e tij politik, kryetarin e opozitës zotin Lulëzim Basha.
Sot që flasim, u shpreh kryeministri, ata që pretendojnë se janë më të mirë, janë shalqi me provë.
Kunguj kanë dalë të tërë kur kanë pasur në dorë atë që kërkojnë ta rimarrin prapë. Kështu që, jam i bindur se, ditë pas dite, njerëzit që janë në mëdyshje, apo ata që thonë sot se nuk dua të votojnë, duhet të kuptojnë që këtu nuk ka vend për mëdyshje. Këtu rruga është e qartë dhe, në këtë rrugë të qartë, unë i ftoj të gjithë të na bashkohem, si profesoresha që foli, e si të tjerw që kanë shprehur interes. Ne jemi të vetëdijshëm që kemi probleme, kemi te meta, që patjeteër në këtë shoqëri ka njerëz që janë edhe më të mirë se ne. Bujrum. Bujrum. Është shumë e lehtë të luash futboll dhe të bësh gola kur je në shkallët e stadiumit. Është shumë e lehtë t’ia bësh kompetentit atë që s’thuhet, por të bësh kompetentin në fushë, është e vështirë. Sidoqoftë, fusha është e hapur dhe bujrum të gjithëve, përfundoi ai fjalën e tij, duke u ndërmendur shqiptarëve një barcoletë të famshme të kohës së monizmit, e cila vë në lojë tifozët që tallen sipas interesit me ‘kompetentin’.
