Qeveria shqiptare ka vendosur ditën e sotme të unifikojë abetaren në rang vendi. Lajmin e ka bërë të ditur vetë ministrja e Arsimit, Evis Kushi, e cila, mes të tjerave, teksa deklaronte vendimet e qeverisë, tha se në muajt në vijim do të punohet pikërisht për këtë projekt “Një gjuhë, një abetare”, në mënyrë që në vitin e ardhshëm shkollor, 2022-2023, të gjithë fëmijët në mbarë vendin, të kenë mundësi të mësojnë me të njëjtën Abetare.
Morëm një vendim të rrëndësishëm, për përjashtimin nga procedura e përzgjedhjes së mësuesëve, në bazë shkolle, të teksitit të abetares, u shpreh Kushi përpara gazetarëve, mas marrjes së vendimit. Për ta bërë më të qartë, për opinionin publik, në arsimin parauniversitar, ne kemi tekste alternative për cdo lëndë dhe mësuesit e cdo lënde në cdo shkollë, dhe mësuesit mblidhen dhe miratojnë një nga 3 alternativat që janë të miratuara në katalogun e ministrisë së Arsimit. Ne sot kemi vendosur që nga kjo procedurë, të përjashtohet teksti I abetares në klasë të parë, që do të thotë që të gjithë nxënësit e gjithë klasave të para në gjithë shqipërinë, në të gjith shkollat, të kenë një tekst të unifikuar. Mësimi i gjuhës amëtare është një nga objektivat tanë më të rëndësishëm në arsimin parauniversitar dhe në fakt abetarja është libri i parë me të cilin përballet nxënësi kur ulet përherë të parë nga bangat e shkollës. Nga takimet që ne kemi zhvilluar me ekspertë të arsimit, por edhe me mësues në të gjitha shkollat, kemi dakordësuar që për abetaren të kemi një tekst të unifikuar, sepse kjo ndihmon të kemi një qasje dhe një metodologji të barabartë kudo. Në muajt në vijim ne do të nisim punën për këtë projekt, një gjuhë një abetare, në mënyrë që të nisim procedurat, për një konkurim të hapur të barabartë e transparentë, në mënyrë që në shtator të vitit 2022-2023, të gjithë vogëlushët, të gjitha shkollat, të kenë të njëjtën abetare.
