Kreu i qeverisë Rama ka refuzuar t’ju përgjigjet pyetjes së gazetarëve sa i takonte një miratimi të mundshëm të amendamentit mbi vetingun e politikanëve, të cilin kreu i PD-së Basha u shpreh se do ta shpinin brenda javës në Parlament.
Nuk është etike që t’i komentoj këtu këto propozime, u përgjigj Rama, duke pasur parasysh që ne kemi dhënë disponim total për t’i diksutuar në mënyrë serioze në procesin e dialogut, që sipas meje duhet të ushqehet me vullnet të mirë mes pas palëve, dhe për këtë arsye do më ndjeni, që të mos jap opinion, derisa t’i japim këtoj dialogu një shans real, e padyshim të kemi mundësisnë t’i ballafaqojmë opinionet tona me palën tjetër, duke pasur vullnetin e mirë të dëgjojmë pa paragjykuar e duke kërkuar të dëgjohemi. Opozita ka bërë 3 propozime, mund të bëjë dhe më shumë, është në të drejtën e vet, ne kemi detyrën që t’i japim mundësi këtyre propozimeve të diksutohen pa e dëmtuar këtë proces diskutimi, duke dhënë paraprakisht opinione përfundimtare. Jemi gati po, por t’i diskutojmë drejt përdrejt me ta, jo me pasqyra, ku secili flet të vetë dhe nuk dëgjon ça thotë tjetri, tha Rama.
