Përmes një deklarate 25 pikëshe, liderat europianë kanë refuzuar sërish vendet e Ballkanit Perëndimor për të qenë pjesë e BE-së. Motivi kryesor i këtij refuzimi mbetet demokracia e dobët në Ballkanin Perëndimor dhe mosmarrëveshjet me fqinjët.
Në deklaratën e tyre liderat e BE-së theksojnë se presin përmirësimin e mëtejshëm të elementëve demokratikë në këto vende, si respektimin e të drejtave themelore të njeriut, sundimin e ligjit, luftën kundër korrupsionit, përmirësimin e barazisë gjinore, respektimin e pakicave, lirinë e medieve, fuqizimin e shoqërisë civile e po ashtu edhe përmirësimin e komunikimit ndërfqnjësor mes vendeve të Ballkanit Perëndimor e më konkretisht të Bullgarisë me Maqedoninë e Veriut, e të Kosovës me Serbinë.
Bashkimi Evropian konfirmon impenjimin e tij për procesin e zgjerimit, thuhet në këtë deklaratë, e po ashtu edhe vendimet e marra në këtë kuadër, mbi bazën e reformave të besueshme të partnerëve, kushteve të barabarta e rigorose dhe parimit të meritave vetiake. BE-ja, mbështet fortë punën e partnerëve të Ballkanit Perëndimor, për mbizotërimin e demokracisë, të drejtave dhe vlerave thelbësore e të shtetit të së drejtës, përpjekjet në luftën ndaj korrupsionit dhe krimit të organizuar, mbështetjen e qeverisjes së mirë, të drejtave njerëzore, barazisë gjinore e të drejtave të pakicave. Besueshmëra e këtyre impenjimeve, varet nga aktualizimi konkret i reformave të nevojshme dhe ndërtimit të një rekordi solid, mbështetur prej një komunikimi publik të qartë e koherent. Një shoqëri civile e emancipuar dhe mediat e pavarura dhe pluraliste, janë element thelbësore të çdo sistemi demokratik dhe ne e mirëpresim dhe e mbështesin rolin që ato luajnë në Perëndim. […] Be mbështet plotëssht punën e partnerëve ballkanikë në favor të bashkëpunimit rajonal dhe fqinjësisë së mirë. Respektimi i marrëveshjeve bilaterale në mirëbesimm përfshi edhe marrëveshjen e Prespës me Greqinë, si dhe traktati mbi marrëdhëniet e fqinjësisë së mirë me Bullgarinë, mbeten të rëndësishme. Veç këtyre, nevojiten sforcime vendimtare për të promovuar harmonnë dhe stabiltetin, e po ashtu edhe për të gjetur dhe aktualizuar zgjidhje mbi kontradiktat bilaterale të partnerëve sa u takon çështjeve të rrënjosura në trashëgiminë e të shkuarës, sipas të drejtës ndërkombëtare dhe parimeve të konsoliduara, përfshi dhe Marrëveshjen mbi Çështjet e Suksesionit, çështjet e mbetura të njerëzve të zhdukur e çështjet e krimeve të luftës. […] Mbështesim plotësisht përpjekjet e përfaqësuesit special të BE-së për Beogradin dhe Prishtinën. Dialogu dhe çështjet rajonale të Ballkanit Perëndimor, presin progres konkret nga ana e të dyja palëve, sa i takon normalizimit e plotë të marrëdhënieve tyre, që është thelbësor për stabilitetin dhe zhvillimin e tërë rajonit e për të garantuar vazhdimësinë në rrugëtimet përkatëse europiane.
