Parlamenti ka shkarkuar sot me 104 vota pro, kreun e shtetit, presidentin Ilir Meta, për shkelje të rënda të detyrës.
Vendimi për shkarkimin e Presidentit Meta u mor menjëherë nga Partia Socialiste, që rezultoi edhe fituese e zgjedhjeve të përgjithshme të 25 prillit, në prag të të cilave presidenti u shpreh me tone të ashpra ndaj ambasadores amerikane Yuri Kim, për ndërhyrje të saj në punët e Shqipërisë, e po ashtu edhe për gjuhën agresive përdorur ndaj partive në garë.
Shpallja e rezultatit të votimit në Parlament, nga kryetari i Komisionit Hetimor, Alket Hyseni
Procesverbal për procedurën e vendimit për shkarkimin nga detyra për shkelje të rënda të detyrës nga Presidenti i Republikës Ilir Meta. Në mbështetje të nenit 60 pika 4 të rregullores së Kuvendit, dhe vendimin 52 datë 13/05/ 2020, për modalitetet teknike të organizimit dhe zhvillimit të votimit me kuti, sot më datë 9/06 2021 u zhvillua votimi për projektvendimin për shkarkimin nga detyra për shkelje të rënda të Kushtetutës, të Presidenti të republikës z. Meta
Në mbështetje të nenit 60 pika 1 të rregullores së Kuvendit dhe nenit 112 pika 4 të po kësaj rregulloreje, votimi bëhet i fshehtë bazuar në nenin 60 pika 3 e rregullores. Jo më pak se ¼ e të gjithë anëtarëve të Kuvendit depozituan kërkesën me shkrim numër 13/10 protoklooi 8/6 2021, për procesin e votimit me fletë votimi.
Sekretariati vlerson se kërkesa për votimin me kuti është paraqitur konform rregullave proceduriale, është bërë me shkrim dhe përmban nënshkrimet përkatëse. Sekretariati i procedurave të votimit dhe etikës, në cilësinë e tij si Komision i Votimit, organizoi dhe zhvilloi procedurën e votimit në përputhje të plotë me nenin 60 pika 4 të rregullores, dhe vendimin nr 52 për modalitetet teknike të organizimit dhe zhvillimit të votimit. Në përfundim të procesit të votimit, Sekretariati i procedurave për votimin dhe etikën, zhvilloi procedurën për numërimin e votimit dhe nxjerrjen e rezultatit. Në bazë të pasqyrimit të të dhënave respektive, mbi bazën e numërimit të fletëve të votimit, Sekretariati shpall publikisht rezultatin e votimit, sipas të dhënave të mëposhtëme.
Në bazë të firmave të vendosura në listën përkatëse të deputetëve dhe numërimin e fletëve të votimit të gjetura në kuti, rezultoi se kanë marrë pjesë në votim 114 deputetë. Nga verifikimi i fletëve të votimit të përdorura, rezultoi fletë votimi të vlefshme 114, fletë votimi të pavlefshme asnjë.
Nga numërimi i votave për projektvendimin për shkarkimin nga detyra për shkelje të rënda të Kushtetutës, të Presidentit të republikës z. Ilir Meta, rezultoi: pro shkarkimit 104 vota, kundër shkarkimit 7 vota dhe 3 absetim.
Siç del nga rezultatet e mësipërme, sekretariati konkludon që në bazë të nenit 90, pika 2 e Kushtetutës së Republikës, si dhe nenit 112 pika 4 e rregullores së Kuvendit, zoti Ilir Meta, presidenti i Republikes shkarkohet nga detyra.
