Kina ka paralajmëruar se do t’ju lejojë çifteve të lindin deri në tri fëmijë, pasi të dhënat e censusit të fundit, kanë dëshmuar një rënie të fortë të lindshmërisë në vend.
Deri në 2016-n shteti kinez nuk u lejonte nënshtetasve të vet të kishin më tepër se një fëmijë. Më 2016-n, Kina e braktis këtë politikë dhjetëvjeçare, duke e shpënë numrin e fëmijëve nga një, në dy, me shpresën se kjo do të sillte një shtim të numrit të lindjeve në vend, çka nuk ndodhi.
Ndërkaq, lëvizja e fundit, e cila u lejon njerëzve të lindin deri në tri fëmijë, është miratuar prej presidentit Xi Jiping dhe, sipas medieve shtetërore kineze, vjen me një sërë masash mbështetëse, që do të kontribuojnë në përmirësimin e strukturës së popullësisë në vend e po ashtu edhe për t’i bërë ballë plakjes së popullësisë në vend.
Por çfarë thotë censusi kinez, publikuar së fundmi?
Sipas censusit kinez publikuar në fillim të këtij muaji, vitin e shkuar kanë lindur rreth 12 milionë fëmijë, shifër kjo që tregon rënie të tejskajshme, krahasuar me 18 milionë fëmijët e lindur më 2016-n, duke dëshmuar kështu edhe më të ulët të lindjeve të rregjistruara qysh prej viteve ’60.
Sipas medieve vendase, shkak për këtë rënie të numrit të lindjeve, janë në pjesën më të madhe, kostot e mëdha në rritjen e një fëmije, të cilat, kanë frenuar mjaft çifte, të shtohen edhe me një tjetër fëmijë.
