Ka reaguar për herë të parë mbi dorëheqjen e kërkuar, pas humbjes për herë të dytë të zgjedhjeve të përgjithshme, kreu i PD-së Lulëzim Basha, i cili nuk ka komunikuar përballë gazetarëve vendimin për dorëheqjen e tij, ashtu siç dhe mund të prisnin shumë demokratë e jo vetëm, por vazhdimësinë e betejës në krye të PD-së, për të fituar rikthimin e demokracisë në vend.
Basha tha se 25 prilli qe një masakër elektorale, viktima e së cilës nuk qe PD-ja, por shqiptarët dhe se beteja për rikthimin e demokracisë në vend, do të kryej sipas tij, në të gjitha frontet.
25 prilli është një masakër elektorale, tha Basha, viktima e së cilës nuk është PD dhe deputetët tanë. Reultati ynë flet qartë, besimi shpresa që zgjuam dhe bashkuam, pavarësisht prej rolit të krimit të organizuar, parave të pista të krimit dhe, siç tha edhe raporti paraprak i OSBE-ODHIR-it, nuk ia doli do të zvogëlonte apo të ulte përmasën e një bashkimi të jashtëzakonshëm të shqiparëve, ndaj edhe detyrimi ynë i pare, është përpara gjithë shqiptarëve, jo thjesht dhe vetëm përpara kandidatëve për deputetëve apo militantëve e mbështetësve të Partisë Demokratike, që kanë bërë një beteje historike duke pasur gjithçka kundër dhe ia kanë dalë të rikthejnë shpresën se ky vend mund dhe do të ndryshojë. Thënë kjo një gjë është e sigurt, ndërsa ne vazhdojmë mbledhjen dhe faktimin e manipulimit të masakrës zgjedhore të 25 prillit, kamerat dhe mikrofonat e medias së lirë, duhet të drejtojnë pyetjet legjitime, tek autorët e kësaj masakre, tek dyshja, ose më mirë të themi tek treshja Rama-Doshi- Rakipi.
A mund të pranojë Shqipëria, që sot nga njëra anë mban me krenari trashëgiminë e anëtarësimit në NATO gjatë kohës që qeveriste PD-JA, dhe nga ana tjetër ti masakron themelet e demokracisë? VIktimat e masakrës elektorale janë qytetarët shqiptarë. Detyra jonë është të qendrojmë fort, të luftojmë fort, për rikthimin e demokracisë në vend, një nga kushtet kryesore që do bëjë të mundur anëtarësimin e Shqipërisë në BE. Kjo betejë do të bëhet në të gjitha frontet dhe mundësitë që ekzistojnë, dhe përfundimi i saj do jetë i qartë: rrëzimi i regjimit, Rama-Doshi- Rakipi dhe kthimi i Shqipërisë shqiptarëve.
