Në konferencën e sotme për shtyp ministrja e Shëndetësisë Manastirliu njoftoi se Komisioni Teknik i EKspertëve, nisur nga incidenca dy javore, thirrjet në Urgjencën Komëbtare dhe numrin e të shtruarëve në spitalet covid, ka vendosur të ndryshojë orën policore, e po ashtu edhe hyrjet e daljet me Britaninë e Madhe. Sipas ministres Manastirliu, mbeten ende në fuqi ndalimi i grumbullimeve, si dhe respektimi i masave anti-covid, që kanë qenë në fuqi deri më tani.
Komiteti Teknik i Ekspertëve, tha Manastirliu, ka vendosur të zgjasë orën e lejuar të qarkullimit të qytetarëve, pra nga ora 20.00 të shkojë në orën 22 të mbrëmjes, duke filluar nga data e nesërme. Po kështu zgjatet me dy orë dhe aktiviteti i bareve dhe restoranteve, por, e theksoj, këtu nuk ndryshon asgjë nga protokollet e sigurisë, pra do të vijojnë të kenë të njëjtat protokolle të sigurisë shëndetësore. Do vijojnë të mbeten në fuqi të gjitha masat, dhe ora policore do të bëhet nga ora 22.00 e mbrëmjes, deri në 6 të mëngjesit. Kjo masë pra, fillon nga dita e hënë. Impakti i masave të mësipërme do të monitorohet në vijimësi nga Komiteti për një periudhë 2 javore
Gjithashtu, duke marrë parasysh përmirësimin e situatës në Mbretërinë e Bashkaur, një vend i cili ka pasur një ecuri shembullore sa i takon vaksinimit, shoqëruar me një rënie të numrit të të shtruarëve nëpër spitale e të të prekurëve, Komiteti ka propozuar riahapjen e fluturimeve me Mbretërinë e Bashkuar. Në fjalën e saj Manastirliu u bëri thirrje gjithashtu edhe besimtarëve muslimanë që nisin muajin e agjërimit, të bëjnë kujdes prej grumbullimeve e të respektojnë masat anti-covid.
