Ngjarja që ka tërhequr vëmendjen e të gjithëve sot, sidomos për rëndësinë jetike që ka në vend, ka qenë bllokimi i aeroportit ndërkombëtar “Nënë Tereza”, për shkak të grevës së punonjësve të Albcontrol-it, që kontrollojnë dhe orientojnë trafikun ajror.
Në konferencën për shtyp dhënë përpara gazetarëve, ministrja e Infrastrukturës dhe Energjitikës Belinda Balluku, sqaroi se kjo ishte një situatë e paprecedentë, e cila, jo vetëm vuri në krizë fluturimet për sot, por cënoi edhe sigurinë kombëtare, duke ndikuar kështu jetën e kujtdo që kishte vendosur të vinte apo të ikte nga Shqipëri, i sëmurë apo i shëndetshëm, i gjallë apo i vdekur.
Në fjalën e Ballukut, problematika me kontrollorët e Albcontrol- kishte nisur me përgjysmimin e pagës së tyre për hir të pandemisë, nga 4400 dollarë, në 2490 dollarë.
Në kushtet e pandemisë, sqaroi Balluku, një nga sektorët e prekur është edhe aviacioni, për shkak të mbylljeve të mëdha që kanë ardhur si në kontinentin Europian e në vende të tjera. Duke u përballur me këtë problematikë, Këshilli i Mbikqyrjes së Albcontrol ka rishikuar pagat, pasi Albcontrol është një kompani që punon me fitim zero, që do të thotë se paratë vijnë nga kompanitë ajrore dhe trafiku i tyre, jo nga buxheti i shtetit. Trafiku në 2020-n ka rënë me 57 %, ndërkohë që edhe këto 3 muaj të 2021 -it, trafiku ka qenë me minus 57%. Pra kontrollorët e trafikut ajror, përpunojnë 43% të trafikut normal.
Kontrollorët kanë pasur në 2019-n paga që arrinin në mbi 4 mijë dollarë. Dikush mund të habitet, por këto janë paga që nuk varen nga shteti. Sot kontrollorët marrin 2490 dollarë. Për hir të kësaj uljeje, ne kemi pasur në vazhimësi presion nga kontrollorët, për shpërnien e pagës në nivelet e mëparëshme, në një kohë që kompania është në pamundësi financiare. Drejtuesit e kompanisë janë ulur me kontrollorët, për t’u shpjeguar që kompania nuk ka as depozita që tua rrisë, por ata janë shprehur se nuk u intereson dhe kompania ta zgjidhë vetë.
Dje, për të bllokuar trafikun ajror në Republikën e Shqipërisë dhe për të vënë nën presion shtetin shqiptar, kanë vendosur që të bëjnë një akt, i cili quhet paaftësi për të operuar, pra kanë deklaruar se janë të paaftë për të operuar, për shkak se, arsyet, siç thotë zotëria, ka vështirësi financiare, duke rrezikuar kredinë, probleme familjare si pasojë e vështirësisë financiare, pra ka një konflikt në familje se nuk merren më 4 mijë dollarë, por merren 2 mijë e ca dollarë, pasi familja ka disa persona, por vetëm kjo e ardhur është në familje dhe ndërkohë zotëria, meqë nuk i dalin 4200 dollarët ka aplikuar për borxh tek familjarët. Të tjera si kjo, janë dorzuar në të njëjtin moment dje pranë drejtorisë.
Albcontrol, sqaroi Balluku, është një kompani e sigurisë së lartë që ofron shërbim esencial, ose thënë ndryshe shërbim jetësor, siç është navigimi ajror dhe është e vetmja kompani në Republikën e Shqipërisë, që e ofron në kushtet e monopolit, kështu që Kodi i Punës, në nenin 197/5 ka të sanksionuar qartë dhe thotë, greva nuk mund të kryet në shërbimet e rëndësisë jetike, ku ndërprerja e punës rrezikon jetën, sigurinë personale ose shëndetin e një pjese ose të tërë popullësisë. Në pikën Ç, janë Shërbimet e Kontrollit Ajror, ku sipas kodit të punës ndalohet greva. Dhe pavarësisht se është gjetur kjo mënyrë, mënyra e zotërisë, i cili është i stresuar me 2490 dollarë për të jetuar, pra pavarësisht se kanë gjetur këtë mënyrë, për të thënë se jemi të paaftë për të operuar, kjo është një grevë e pastër ilegale, në thyerje të kodit të punës, sipas neni197/5/. Pse është një grevë? Se janë deklaruar të gjithë në të njëjtin moment. Kanë shkuar me të njëjtat letra, me të njëjtin arsyetim për stres të madh ndaj presionit financiar, dhe kanë deklaruar paaftësi, duke futur në krizë sistemin ajror në Republikën e Shqiperisë.
Në fjalën e saj, Balluku u shpreh se kjo grevë qe një organizim i mirëfilltë politik, e po ashtu i kërkoi presidentit Meta të shprehej për këtë çështje.
Siç edhe e keni ndjekur, si dhe unë, ka pasur një interes shumë të madh të politikës për këtë çështje. Kam ndjekur me shumë vëmendje Sali Berishën, i cili ka një ekzaltim dhe lumturi shumë të madhe, të thotë se si do mbyllet aeroporti i vetëm i shqiptrëve, ai i Rinasit, se si nuk do fluturojë asnjë person, sesi do bllokohet gjithçka në Republikën e Shqipërisë, dhe, për të thënë të drejtën, do thosha që nuk e kuptoj, po e kuptoj Sali Berishën, sepse e giitha kjo është një organizim i mirëfilltë politik, në një moment fushate, pra për shkak të fushatës elektorale dhe për shkak të të gjitha skemave politike që po aplikohen këto momente, sot ne Rinas nuk do të vijnë dot vaksinat, të cilat duhej të vinin sot pasdite për të vazhduar vaksinimin e të gjithë shqiptarëve. Sot ne eroportin e Rinasit, për shkak të kësaj fushate brenda fushatës elektorale, për të nxirë faqen e Shqipërisë për të prishur imazhin si zakonisht, po ndodh edhe diçka tjetër, po afektohet e gjithë popullësia, ashtu siç thotë ai neni 197/5, që nuk duhet të ndodhë. Pra sot, nëse dikush është operuar dhe duhet të kthehet në shtëpi, nuk mund të kthehet, sepse kontrollorët e trafikut ajror janë shumë të mërziitur, për shkak se paga e tyre është vetëm 2 mijë e ca dollarë. Sot dikush qe ka vdekur, por duhej të vinte të varrosej në atdhe, nuk do vijë dot, sepse nuk do Sali Berisha, i cili, edhe një herë, ka përdorur një gjuhë ekstremisht të ashpër, duke gëzuar gjithmonë për problemet që ky vend has.
Unë do t’i kërkoja presidentit Meta, i cili i ka takuar kontrollorët dhe ka kërkuar informacion, dhe Albcontrol ia ka shpënë, të shprehet sot për këtë situatë. A mundet shteti të kompesojë kontrollorët e trafikut ajror, kur nuk ka pasur kurrë një involvim financiar në këtë ndërmarrje? A mundet sot shteti, zoti Meta i ka të gjtiha të dhënat, a mundet shteti të kapet peng, nga njerëz që kërkojnë të marrin, secili prej tyre, 15 rroga, saç merr 1 shqiptar, pra 4400 dollarë? A mundet shteti të kapet peng nga disa persona që janë shumë të stresuar dhe të pakënaur me pagën 2495 dollarë. Dhe nese nuk ua bëjmë 4400 dollarë, ata do mbajnë vendin peng?
Unë erdha në Rinas për t’i sqaruar kontrollorët se kjo nuk është një lojë, këtu preket siguria kombëtare e siguria e çdo shqiptari, lëvizja e lire, se tani do na duhet të marrim disa masa, që nuk do jenë të mira për askënd, por as për navigmin ajeror, pasi tek ata njerëy është investuar shumë ndër vite, përfundoi ajo.
