Edi Rama vuan nga sëmundja e pushtetit. Kështu është shprehur profesor Edmond Tupja, i cili, i pyetur nga Krasta në ‘A SHOW’, mbi komunikimin dhe sjelljen e kryeministrit Rama, u shpreh se ky i fundit vuan nga sëmundja e Hjubrisit (Hubris).
Është në internet. Sëmundja e Hjubrisit. Në një emission të Fevziut në 2012-n, unë thashë që Edi Rama drogohet me pushtet, dhe çuditërisht nuk paskam qenë gabuar, sepse sindroma e Hjubrisit, është sëmundja e pushtetit. Ka njerëz që janë marrë me këtë, janë marrë gjatë, sigurisht nuk po shkoj deri tek Frojdi, tek Adleri etj etj, por ka qenë një autor amerikan që ka shkruar një libër, që quhet Devid Ouen, që analizon llojin e sëmundjes, të çdo lloj semundjeje, tek gjithë kryeministrat ose presidentët e Britanisë së Madhe dhe Shteteve të Bashkuara të Amerikës. Pastaj, ca vite më vonë një psikiatër, Xhonathan Davidson, profesor në universitetin Djuk të Shteteve të Bashkuara, boton në revistën neruologjike Brain, një studim ku këtë sëmundjen e pushtetit e quan ‘Hjubris sindrom’. Hjubris është termi nga greqishja e Lashtë, tek Platoni dhe tek Aristoteli e kanë përkthyer “kryelartësia e tejskajshme”, unë do ta përktheja “dallëdisja e tejskajshme”. Kjo fjalë, në anglisht hjubris, bashkon narcizizmin, arrogancën, pretendimet pa fund, egoizmin manipulimin, gënjeshtrën dhe përbuzjen. Ky term të çon në atë që e kanë të gjithë pushtetarët, kush më shumë e kush më pak, në ndjesinë e parekshmërisë. Ata e quajnë veten të paprekshëm. Asgjë nuk i rrëzon. E quajnë veten të pamposhtur. E quajnë të plotfuqishëm dhe, si snobi, si narcisisti, përmbajnë në thelb mungesën e interesit për të gjitha gjërat që nuk kanë të bëjnë personalisht me të. S’i intereson aspak ç’i thonë të tjerët, por si duket…
