Në konferencën e sotme për shtyp, kryetari i Partisë Demokratike Lulëzim Basha, ka prezantuar programin ekonomik të Partisë Demokratike nëse do fitojë zgjedhjet pas 25 prillit 2021.
Së pari theksoi Basha, për të pasur një shëndetësi më të mirë, na duhet më së pari të shërojmë vendin. Angazhohemi se do të bëjmë ndryshime, që do të sjellin një jetë më të shëndetshme e më cilësore, për të gjithë, papërjashtim.
Plani ynë shëndetësor, u shpreh Basha, do ndryshojë jetët e prindërve tuaj, jetën e fëmijëve tuaj. Në shqiptarët paguajmë më shumë se çdo vend tjetër në rajon para’ për kujdesin shëndetësor. Ne jo vetëm angazhohemi të ulim tarifat në mënyrë të ndjeshme, por edhe që këto para të mos shkojnë në xhepat e atyre që kanë kapur sistemin shëndetësor, por të kthehen sërish tek ju, me një shërbim cilësor dhe dinjitoz, si për çdo qytetar europian.
Ja disa nga pikat kryesore të planit tonë.
- Pacienti do vendoset në qendët të sistemit, sipas parimit paraja ndjek pacientin;
- Ju vetë do zgjidhni mjekun, klinikën apo spitalin ku doni të kuroheni;
- Spitalet publike do riorganizohen, duke u dhënë pavarësi menaxheriale, për të rritur kujdesin dhe aftësinë për t’ju shërbyer ju sa më mire;
- Do ketë paga dinjitoze për mjeket dhe infermierët;
- Në programin tonë ‘Shqipëria fiton shëndetësinë’, paga e infermierëve do të bëhet 700 euro dhe e mjekëve 1200 euro;
- Do hapim një fakultet të ri mjekësor në Shqipëri;
- Do krijojmë bazën ligjore dhe do ushtrojmë kontroll të plotë, që në Shqipëri të shiten vetëm ilaçe të cilësisë së lartë, të standardit të vendeve europiane;
- Ilaçet do rimbursohen sipas diagnozës dhe jo sipas skemës aktuale kufizuese, që ka lënë jashtë saj shumë medikamente që i detyrojnë njerëzit t’i paguajnë nga xhepi;
- Riorganizmi i shëndetit pulik do bëhet sipas standardeve ndërkombëtare, që të jemi të përgatitur të përballojmë edhe sfidat e së ardhmes.
