Pas ndarjes nga jeta përpara disa ditësh të bashkëshortit në moshë të re, ka reaguar sot edhe vetë ministrja e Kulturës Elva Margariti:
Asnjëherë, askush nuk është gati për të shkruar të tilla radhë, shkruan ajo në faqen e vet zyrtare në fejsbuk, e teksa përpiqesh të shtysh në pafundësi lajmin e hidhur, nuk mund ta bësh këtë me mirënjohjen.
Në të vërtetë do të doja të falenderoja gjithkënd, që na u gjend pranë në këtë moment të vështirë të jetëve tona. Ajo çka mendoj sot është se çdo fjalë ngushëllimi e mirësie, na jep forcë e kurajë për një rrugëtim të ri, që ka nisur!
Uroj t’jua kthej veçse për ditë gëzimi!
