Teksa ka përshëndetur Delaware-in nga Major Joseph R. “Beau” Biden, III, National Guard/Reserve Center, quajtur kështu për nder të birit të ndarë nga jeta, presidenti i zgjedhur i Shteteve të Bashkuara Amerikës Joe Biden, ka mbushur sytë me lot teksa kujton mungesën e tij në atë ceremoni e në fitoren e të atit.
Brenga ime e vetme është që ai s’mund të jetë sot këtu, është shprehur Biden teksa fshinte lotët dhe shprehte falënderimet për mbështetjen e dhënë nga Delaware. Kur të vdes, ka vazhduar ai, Delaware do jetë i shkruar në zemrën time dhe në zemrën e të gjithëve… Jam krenar që jam djalë nga Delaware.
Biri i Bidenit, Beau Biden, prokuror i përgjithshëm i Delaware-it, baba i dy fëmijëve, major i Gardës Kombëtare të Ushtrisë së Delaware-it, me një medalje bronxi pas kthimit nga Iraku, qe 44 vjeç kur humbi jetën nga kanceri.
Biden dhe zonja e tij Jill, janë shpërngulur të martën për në Blair House përballë Shtëpisë së Bardhë, ku edhe do të gdhihen, në pritje të ceremonisë së marrjes së detyrës së presidentit
