Në konferencën për shtyp dhënë sot përpara gazetarëve, Komiteti Teknik i Ekspertëve ka bërë me dise se situata Covid-19 në vend është e qëndrueshme, me zbritje të lehta që duhen parë në vijimësi.
Sipas drejtoreshës së Institutit të Shëndetit Publik, Albana Ficos, niveli i incidencës javën e fundit është ulur, duke shkuar në vlerën e 110 rasteve të reja për 100 mijë banorë. Po sipas saj, niveli i pozitivitetit është mesatarisht 22% krahasuar me totalin e monstrave të testuara javën e fundit, dhe mosha mesatare e rasteve të konfirmuara është 48.7 vjeç, ndekur nga grupmosha 25-34 vjeç dhe grup mosha 45-54 vjeç.
Ndërkaq, zëvendësministrja e Shëndetësisë Racakolli, tha se nuk kishin ende të dhëna të plota për praninë e virusit të quajtur anglez.
Në diskutimet e bëra me Komitetin, u shpreh ajo, mendohet që kjo situatë e qendrueshme është si rrjedhojë e masave të marra, ndaj mendojmë që ato të mbeten në fuqi, pra të mbetet në fuqi ora policore që fillon pas orës 22.00, universiteti të vazhdojë edhe për një periudhë dy javore onlajn dhe udhëtimet me Anglinë të mbeten të pezulluara deri më 18 janar.
