Ka qenë vigjilja e Krishtlindjeve, ajo që i ka siguruar kryeministrit anglez Boris Johnson, miratimin e marrëveshjes së rëndësishme mbi taksat tregtare me BE-në: Jo, nuk i firmos! ka deklaruar ai gjatë një debati me Brukselin, deklaratë e cila ka sjellë më pas diskutimin dhe firmosjen e marrëveshjes tregtare, që, sipas Johnson-it, e çliron Anglinë nga kontrolli tregtar i BE-së.
Ishim duke shkruar një material të gjatë, se përse ishim të gatshëm të hidhnim tutje një marrëveshje 660 miliardë stërlinshe, për më pak se një miliardë të tillash peshk, shprehet një burim i afërt i kryeministrit britanik, por këmbëngulja e Johnson-it bëri një BE-ja të tërhiqej nga tranzicioni i gjatë që kërkonte për peshkarexhet e veta në ujërat e Anglisë. Kjo nënkuptonte që do merrnim kontrollin e ujërave tona, siç kishim premtuar në referendumin e 2016-s.
Vetë Johnson është entuziast, sepse siç edhe shprehet ai, Britania e Madhe do çlirohet nga 40 vite kontroll prej Brukselit. Një dhuratë e vogël për këdo që po kërkon të lexojë ndonjë gjë, në këtë kohë të përgjumur, i është drejtuar ai popullit anglez, teksa tundte një kopje të marrëveshjes 1200 faqshe, me tarifë zero, firmosur me Brukselin të enjten.
Por çfarë përmban kjo marrëveshje?
Edhe pse ende e papublikuar plotësisht, disa nga pikat e saj janë:
Lëvizja e lirë: qytetarët e BE nuk do kenë më të drejtë automatike të transferohen në Mbretërinë e Bashkuar sa herë të duan. Duhet t’i bëjnë kërkesë qeverisë anglese sipas sistemit të tyre, siç bën edhe pjesa tjetër e botës. Ndërkaq, udhëtarëve britanikë, do t’u duhet të pajisen me viza, nëse do duan të rrinë më shumë se 90 ditë në BE.
Mallrat: kjo marrëveshje, firmosur nga BE me një vend të tretë, do t’ju lejojë mallrave të shuma të vazhdojnë të lëvizin lirisht nga Britania e Madhe drejt kontinentit plak dhe anasjelltas. Mbrojtje do ketë për Stilton-in dhe Champagne-n, plus miratimin për vazhdimësinë e dërgimit të produkteve shtazore.
Tregtia: Mbretëria e Bashkuar do jetë më në fund e lirë, të mbyllë marrëveshje me vende si Shtetet e Bashkuara të Amerikës.
Njerëzit pranë Johnson-it pohojnë se çasti më i vështire qe ai i diskutimit me Ursula von der Leyen, për afatet kohore të lundirmit të peshkarexheve të BE në ujërat e angleze, nga të cilat mes 6 viteve propozuar nga Ursula dhe 5 ofruar nga Boris, fituan 5.5 vitet e ndërmjetme.
Diplomatët e Brukselit u takuan dje në mëngjes për të përditësuar marrëveshjen, e cila do shkojë në parlament këtë të mërkurë.
