Një variant i ri koronavirusi qarkullon që prej tetorit në Angli, për të cilin thuhet se është më i rrezikshëm. Për shkak të tij, Anglia gjendet në prag të kolapsit dhe një pjesë e mirë e vendeve europiane i kanë mbyllur dyert asaj. Ç’duhet të dimë mbi këtë variant të ri koronavirusi? A është situata kaq alarmante? Flet epidemiologu italian Massimo Ciccozzi.
Çfarë është varianti anglez?
Një variant i koronavirusi, që ka në gjenomë 14 baza njëshe të ndryshuara dhe 3 grupe bazë të fshira. Nuk është parë kurrë një mutacion me kaq shumë variante. Ai që na trembi në nëntor, kishte 4.
Është normale që një virus të ndryshojë?
Sa herë që një virus ndryshon, mund të kryejë gabime në kopjimin e gjenomës së tij. Sars-Cov 2shi ka një sistem të mjaftueshëm njohjeje dhe korrektimi gjenome, e cili ama nuk mund të funksionojë 100%. Shumica e mutacioneve, nuk e ndryshon karakterin e virusit. Disa thjesht mund ta bëjnë më ngjitës dhe më të shkathët në thyerjen e sistemit imunitar.
Përse korona angleze ka kaq variacione?
Raporti anglez që përshkruan modelin, hipotetizon se ndryshimet janë akumuluar në një pacient që ka qenë i sëmurë për një kohë të gjatë, të paktën për dy muaj. Ka gjasa që marrja e plazmës apo e redemsevirit me qëllim shërimin, të kenë vënë në pah një variant të aftë t’i shpëtojë kurimit. Por edhe kjo është një hipotezë.
Varianti anglez është më i rrezikshëm?
Jo me se s’bën. Deri tani kemi gjenomën e tij, por për t’i kuptuar karakteristikat, duhet ta analizojmë në laborator. Duke e vënë në kontakt me qelizat, mund të kuptojmë se sa shpejt infekton. Mund të jetë më ngjitës, por jo më vdekjeprurës. Përgjithësisht, evolucioni, i bën viruset të jenë më të shpejtë në përhapjen e tyre, por jo më të rrezikshme.
Cilët elementë duhet të na shqetësojnë?
Pjesa më e madhe mutacioneve të variantit anglez nuk njihet. Njihet vetëm njëra: ajo që i lejon virusit të lidhet më mirë me receptorin Ace2, që është edhe porta e hyrjes drejt qelizave tona. Në teori lehtëson ngjitjen. Por nuk duhet të kemi frikë nga mutacionet. Përmes tyre sigurohet përshtatja e virusit me njeriun dhe ky që vjen nga Britania e Madhe nuk është i pari.
A duhet të ndryshojë vaksina?
Vaksina s’ka pse ndryshon. Ky është koronavirus dhe ndryshimet i ka shumë herë më të avashta, sepse gjenoma e tij është shumë më e madhe se ajo e gripit. Ndryshime ka pasur gjatë tërë kohës: distancë e maska dhe për të paktën një vit, e ndërkohë vaksinohemi. Kështu do t’ia dalim.
